Schengeneko Hitzarmena

Artikulu hau hitzarmenari buruzkoa da; hiriari gaitzat duena beste hau da: Schengen (Luxenburgo)

Urdin ilunez Hitzarmeneko estatuak, urdin argiz etorkizunean itsatsiko direnak eta horiz sartzeko aukerak dituztenak.

Schengeneko Hitzarmena Europar Batasunaren (EB) eraikuntzaren pausorik garrantzitsuenetarikoa dugu. Hitzarmen honek bi helburu garrantzitsu ditu: pertsonen joan-etorrirako balizko trabak (Hitzarmeneko herrialdeen arteko aduanak) ezabatzea), batetik eta estatu kideen arteko segurtasun eta barne politika koordinatzea, bestetik, bereziki kanpo mugetan baldintza berberak ezarriz.

Historia

1985eko ekainaren 14an sinatu zen akordioa, Schengenen (Luxenburgo). Orduko Europako Elkarte Ekonomikoaren bost estatuek, Alemania, Frantzia, Belgika, Herbehereak eta Luxenburgek sinatu zuten euren arteko mugak kentzeko.

Beranduago Italia, Espainia, Grezia eta Portugal gehitu dira Hitzarmenera. Beraz, herrialde hauen arteko mugarik ez dago eta batetik bestera igarotzeko, NANarekin nahikoa da.

2005ean, Suitza gehitu zen, nahiz eta ez izan Europar Batasuneko estatua; 2008tik aurrera izango da ofizialki. Bestalde, Batasuneko bi estatuek, Erresuma Batua eta Irlanda, Schengenetik kanpo egotea erabaki zuten. Beraz, herrialde hauetara igaroteko pasaportea derrigorrezkoa da.

2004an Europako Batasunean sartutako estatu gehienak (Polonia, Txekiar Errepublika, Eslovakia, Malta, Eslovenia, Hungaria, Estonia, Letonia eta Lituania) 2007ko abenduaren 20an sartu ziren Schengeneko Hitzarmenean.

2011n Liechtenstein batu zen zirkulazio askeko eremura.