Sebastião Salgado

Wikipedia(e)tik
Hona jo: nabigazioa, Bilatu
Sebastião Salgado at World Social Forum 2003
Sebastião Salgado, 2003ko Munduko Gizarte Foroan

Brasildar argazkilaria (Aymurés, 1944). Zuri-beltzeko argazkilaritzaren maisutzat hartzen da. Urte asko igaro ditu Parisen, eta han bizi da gaur egun ere. Gizon, emakume eta haurren sufrimendua erakusten saiatzen da. Lanari dagokionez, presak ez du eraginik izaten, urteak igaro litezke lan bat amaitutzat ematen duen arte. 1994an, berrehun eta berrogeita hamar argazkiz osatutako erakusketa bat aurkeztu zuen Rio de Janeiroko Arte Modernoko Museoan. Bere obrako gai nagusiak tuaregak, hainbat tribu, Indonesiako sufre-meategietako langileak, Kazakhstan hegoaldeko langileak eta antzekoak dira. Salgadoren argazki gogoangarri batzuk Lurra eta Langileak liburuetan daude bilduta. Nazioarteko sariak irabazi dituzten irudi nagusiak, berriz, hauek dira: Nômades atravessando o Lago Faguibim, ressecado (Mali, 1985), Refugiados da Seca (Txad, 1985), Refugiados en marcha para o Sudão (1985), Mina de ouro de Serra Pelada (Brasil, 1986), Franceses na Indochina (1987), Familia de Mineiro de Carvão (India, 1989), Guerra do Golfo (Kuwait, 1991). 1998an, Arteetako Asturiasko Printzearen Saria eman zioten.

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Sebastião Salgado Aldatu lotura Wikidatan

Erreferentziak[aldatu | aldatu iturburu kodea]