Segi

Wikipedia(e)tik
Hona jo: nabigazioa, Bilatu
Ekitaldia Gazte Martxaren bukaeran. Atzealdean Jarrai, Haika eta Segiren ikurrak ikus daitezke.

Segi Euskal Herriko gazte erakunde independentista eta iraultzailea izan zen. Jarrai eta Gazteriak erakundeen elkartzeak sortu zuen Haika erakundearen oinordekoa zen eta azken urteetan Hego Euskal Herriko lau lurraldeetan legez kanpo egon zen Espainiako Auzitegi Nazionalaren ustez ETArekin zerikusia zuelako[erreferentzia behar]. 2007ko urtarrilean, Espainiako Auzitegi Gorenak talde terroristatzat hartu zuen[erreferentzia behar] eta bere hainbat kide gartzelan egon ziren gaur egun. 2009ko azaroaren 24an 34 gazte atxilotu eta inkomunikatu zituzten, legez kanpoko Segirekin zerikusia zutelakoan[erreferentzia behar].

Bere helburu nagusiak bi ziren: independentzia eta sozialismoa. 2012 urtean desegin zen erakundea.[1]

Segiren autodefinizioa[aldatu | aldatu iturburu kodea]

Segiren pankarta, Ibaetako campusean (2010).

Gazte eragilea[aldatu | aldatu iturburu kodea]

Segik bere burua gazte erakunde bat bezala definitzen zuen gazteez osatua egoteaz gain, euskal gazteriaren arazoak lantzen zituelako[erreferentzia behar]. Gazteria jendarte sektore berezitua den bezala, arazo propio eta espezifikoak ditu, eta Segi "arazo horiek borrokatu eta alternatibak eraikitzeko bitartekoa gisa" irudikatzen zuten. Segiren jarduera ez zen bakarrik, horrela, "gazte erakundearen proiektu politikoarekin bat egiten duten gazteetara mugatzen, euskal gazteri osoari zuzenduta dago". Segik "Euskal Herriko gazte guztien mesedera egin nahi du lan". Gazteen arazoak jendartearen arazo bilakatu, gazteek Euskal Herriaren askapen prozesuan kolektibo berezitu gisa dituzten kezka eta arazoen abiapuntutik, jendartean dauden gazteengana helduz.

Euskal Herriko erakundea[aldatu | aldatu iturburu kodea]

Mugen gainetik, Euskal Herri osoan zehar eta errealitate guztietan lan egin zuen: auzoetan, herrietan, hiriburuetan eta eskualdeetan lan egiten zuen Segik. Errealitate ezberdinak kontuan hartuz, bere iharduera garatzen.

Erakunde independentista[aldatu | aldatu iturburu kodea]

Segi erakunde independentista zen, eta honela justifikatzen zuen[2]:

« Euskal Herriaren biziraupenerako aukera bakarra, herri honek askatasuna, hau da, independentzia eskuratzea izango da. Segi, erakunde abertzale eta independentista da eta bere jarduera, praktika independentista batean oinarritzen da.  »

Erakunde iraultzailea[aldatu | aldatu iturburu kodea]

Segi ere erakunde iraultzailea zen eta hau ere honela adierazten zuten[3]:

« Segik jendarte eredu berri baten aldeko apustua egiten du. Sistema kapitalistaren hatzaparretatik kanpo egongo den gizarte baten eraikuntzan lan egiten du Segik. Ama lurraren defentsa, elkartasuna, sexu askatasuna, parekidetasuna eta ondasunen banaketa lantzen dugu egunez egun. Gure herriaren independentzia borrokatzen dugun bezala, herritarren independentzia pertsonala ere borrokatzen dugu. Ez dago herritar askerik gabeko herri askerik.Segik herrien arteko harremana eta elkartasuna bultzatu nahi du. Nazio eta jendarte askapen borrokan dauden herriekin bat egiten du gazte erakundeak. Munduko iraultzei Euskal Herriak egin diezaiekeen ekarpenik handiena Independentzia eta Sozialismoa lortzea da.  »

Erakunde euskalduna eta euskaltzalea[aldatu | aldatu iturburu kodea]

Euskara Euskal Herriaren hizkuntza izanik, Euskal Herri osoko gazteria elkar komunikatzeko tresna bakarra eta baliotsua dela uste zuten. Euskara, gainera, hizkuntza batetik haruntzago nortasuna, izaera, kultura eta balore multzoa da. Segik, euskal gazteria eta Euskal Herria euskalduntzeko konpromisoa zuen, eta gazte erakundearen kanpo zein barne jarduera euskaraz burutu ohi zuen.

Erakunde feminista[aldatu | aldatu iturburu kodea]

Segik feministatzat zuen bere burua, eta bereziki "emakume gazteek pairatzen dituzten zapalkuntzei aurre egitekoo" asmoa erakutsi zuen. "Parekidetasunean oinarritzen den jendarte bat" eraiki nahi zuela adierazi ohi zuen[4].

Erreferentziak[aldatu | aldatu iturburu kodea]

  1.   «Segi, tresna gisa, amaitu da, baina guk lanean jarraituko dugu», Berria, http://paperekoa.berria.info/harian/2012-06-15/006/001/Segi_desegin_egingo_da_tresna_gisa_amaitu_dela_iritzita.htm. Noiz kontsultatua: 2012-06-15 .
  2. www.segigazte.net Segiren webgunetik hartua. Egun, Guardia Zibilak itxia.
  3. www.segigazte.net Segiren webgunetik hartua. Egun, Guardia Zibilak itxia.
  4. www.segigazte.net Segiren webgunetik hartua. Egun, Guardia Zibilak itxia.

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Segi Aldatu lotura Wikidatan


Euskal Herriko gazte erakunde politikoak
ErnaiEuzko GaztediGazte AbertzaleakGazte KomunistakIratzarriJeunes PopulairesJóvenes Demócratas de NavarraJSE-EgazJuventudes NavarrasMouvement des Jeunes CommunistesMouvement des Jeunes SocialistesNafarroako Gazte SozialistakNuevas Generaciones del País Vasco