Serif Gören
| Serif Gören | |
|---|---|
| Bizitza | |
| Jaiotza | Xanti (Grezia), 1944ko urriaren 14a (79 urte) |
| Herrialdea |  Turkia |
| Hezkuntza | |
| Hizkuntzak | turkiera |
| Jarduerak | |
| Jarduerak | aktorea, film-zuzendaria, gidoilaria eta film-muntatzailea |
| Lantokia(k) | Turkia |
| Jasotako sariak | |
    | |
Şerif Gören (Xanthi, Grezia, 1944) turkiar zinema-zuzendaria da.
Biografia[aldatu | aldatu iturburu kodea]
Muntaketa-lanak egiten eta zuzendari-laguntzaile gisa hasi zen zinemaren industrian lanean. Besteak beste, Lütfi Akkad, Atif Yilmaz eta Memduh Ün zinemagileentzat lan egin zuen, baina Yilmaz Güneyrekin urteetan egindako lanak markatu zuen, batez ere, haren geroko ibilbidea. Izan ere, Endise (1974) filmaren zuzendaritzan Güneyren lekua hartu behar izan zuenean estreinatu zen zuzendari gisa, hura atxilo hartu zutelako.
Handik urte batzuetara, Yol (1981) ospetsua filmatu zuen, Güneyren esanetara, hura espetxean baitzen oraindik (eta Gören bera ere behin-behineko askatasunarekin, sindikalista gisa egindako lanarengatik auziperatua). Film horrekin 1982an Cannesko Jaialdiko Urrezko Palma irabazteak bere lekuan jarri zuen Güney, bigarren mailara zokoratua egon baitzen ordu arte.
Beste lan batzuk: Almanya Aci Vatan (1979), Turkiatik emigratutakoek Europan bizi duten egoerari buruzkoa; Gizli Duygular (1984) eta Kurbagalar (1984), Turkiako emakumezkoen egoerari buruzkoak; Khan (1984) eta Katircilar (1987), herriko eta hiriko gizarteen arteko talkari buruzkoak; Polizei (1988), Abuk Sabuk Bir Film (1990); eta Amerikalı The American (1993).
Erreferentziak[aldatu | aldatu iturburu kodea]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q388991