Seven Brides for Seven Brothers
Seven Brides for Seven Brothers (euskaraz Zazpi Anai Zazpi Emaztegaientzat) 1954ko Stanley Donen estatubatuar zinema zuzendariaren musikal filma bat da. Stephen Vincent Benét idazlearen The Sobbin' Women istorio laburrean oinarritua dago, hura era berean Erromatar mitologiako Sabinen bahiketa izeneko kondairan oinarritua dagoelarik.
Bost Oscar Sarietarako izendapenak jaso zituen, bakarra irabaziz: Jatorrizko soinu banda onenaren Oscar Saria (Adolph Deutsch eta Saul Chaplin), BAFTA Sari baterako izendapena ere jaso zuen.
Argumentua
XIX. mendea, AEB, Oregon. Basogintza eta zuhaitz mozketan lan egiten duten zazpi Pontipee anaia basatietako zaharrena, Adam (Howard Keel) herrian ezagutu duen Milly (Jane Powell) emaztegai ederrarekin ezkondu eta gainontzeko anaiekin batera etxolan bizitzen jartzea erabakiko du. Hura ikusirik, gainontzeko anaiek ere herrira jeitsi eta bakoitzak emaztegai bana lortzeko erabaki irmoa hartuko dute.
Aktoreak
Zazpi anaiak eta emaztegaiak:
- Howard Keel (Adam) eta Jane Powell (Milly).
- Jeff Richards (Benjamin) eta Julie Newmar (Dorcas).
- Matt Mattox (Caleb) eta Ruta Lee (Ruth).
- Marc Platt (Daniel) eta Norma Doggett (Martha).
- Jacques d'Amboise (Ephraim) eta Virginia Gibson (Liza).
- Tommy Rall (Flor (Florindo) eta Betty Carr (Sarah).
- Russ Tamblyn (Gideon) eta Nancy Kilgas (Alice).