Shanghaiko metroa
Shanghaiko metroa (txinera sinplifikatuz: 上海轨道交通, pinyineraz: Shànghǎi Gǔidào Jiāotōng), Shanghai eta inguruko gune metropolitarraren lur azpiko edo gaineko garraiobidea da. Metroa 1995eko apirilaren 10ean zabaldu zen eta ordutik etengabe hazi da zabaldutako linea berriekin.
Burdinbideak 1.435mm zabalera dauka eta lineak Shanghai Shentong Metro Group taldearen jabetzakoak diren lau enpresek kudeatzen dituzte.
Eduki-taula |
[aldatu] Historia
Metroa eraikitzeko lanak 1993an hasi ziren eta bi urte beranduago inauguratu zen. Shanghaiko metroa Txinako Herri Errepublikako hirugarren metroa izan zen Beijing eta Tianjin hirietako metroen atzetik.
[aldatu] Lineak
2008ko abenduaren 28an 9. lineako Yishan geltokia zabaldu zen eta. 2009ko uztailaren 5ean Pujiang Herrirako metroaren zortzigarren linearen luzapena inauguratu zen. Ordura arte, Pujiango biztanleek bi ordu ematen zituzten autobusean, Shanghai erdigunera heltzeko, baina metroaren zabaltzearekin batera, bidaia denbora 36 minutura murriztu zen.
2009ko abenduaren 5ean, zazpigarren linea zabaldu zen[1] eta urtearen amaierarako zabalduko zen 11. linearen bigarren tartearen inaugurazioa 2010. urtearen hasierara arte berandutuko da.
Gaur egun metro sarea hamar lineak osatzen dute:
| SHANGHAIKO METROA | ||||||
|---|---|---|---|---|---|---|
| Linea | Ibilbidea | Luzera (km) | Geltokiak | Zabaltze data | Azken luzapena | Maiztasuna (min) |
| 1 | Fujin Lu - Xinzhuang | 36,4 | 28 | 1995 | 2007 | 2'45 / 5'30 |
| 2 | Xujing ekialdea - Guanglan kalea | 63,8 | 29 | 1999 | 2010 | 3' |
| 3 | Shanghai Hegoaldeko Geltokia – Iparreko Jianyang Lu | 40,3 | 29 | 2000 | 2006 | 5 / 16'30 |
| 4 | Linea Biribila | 33,7 | 26 | 2005 | 2007 | 5'30 |
| 5 | Xinzhuang - Minhang | 17,2 | 11 | 2003 | 2003 | 4'30 |
| 6 | Gangcheng Lu – Jiyang Lu | 31,1 | 27 | 2007 | 2007 | 6'30 / 13' |
| 7 | Shanghai Unibertsitatea - Huamu kalea | 34,4 | 26 | 2009 | 6' | |
| 8 | Yaohua Lu – Shiguang Lu - Pujiang Herria | 37,4 | 28 | 2007 | 2009 | 4' / 12' |
| 9 | Yishan Lu – Erdialdeko Yanggao kalea | 45,2 | 23 | 2007 | 2010 | 6' |
| 10 | Jiangwan herri berria - Hangzhong kalea | 29,6 | 27 | 2010 | ||
| 11 | Jiading iparraldea/Anting - Jiangsu kalea | 45,8 | 19 | 2009 | 2010 | 9'30 |
| 13 | Madang kalea - Shibo etorbidea | 4,0 | 3 | 2010 | 9'30 | |
| GUZTIRA | 418,9 | 267 | ||||
[aldatu] Estatistikak
Shanghaiko metroa 3,58 milioi pertsonak erabiltzen dute egunero. Erabilera handieneko egunetako bat 2008ko abenduaren 31 izan zen. Egun hartan 4,307 milioi pertsonek erabili zuten metroa[2].
Urtebete beranduago, 2009ko abenduaren 31an, hirian 60 kilometro metro inauguratzen ziren bitartean, 5,27 milioi pertsonak erabili zuten metroa.
2010eko apirilaren 2an 5,60 milioi pertsonek erabili zuten[3], errekord berria hautsiz. 2010eko Shanghaiko nazioarteko erakusketa ospatu bitartean, bost milioi bidaiari baino gehiago espero dira egunero.
[aldatu] Etorkizuneko egitasmoak
Metro gaztea den arren, Shanghaiko metroa luzatzeko egitasmoak ugariak dira. 2010ean hiriak ospatu behar duen nazioarteko erakusketa dela eta, linea berriak zabaltzea aurrikusten da. 2020. urterako, Shanghaiko metroak 22 linea eta 800 kilometroko sarea izatea espero da.
[aldatu] 2010ean
2010ean ondorengo metro tarteak zabalduko dira:
- 2. linea:
- Ekialderako luzapena, Longyang kalea - Shanghai Pudong Nazioarteko Aireportua tartean (30,6 kilometro eta 12 geltoki).
- 7. linea: Qihua kalea - Meilanhu tartea (10 kilometro eta 5 geltoki).
- 10. linea:
- Jiangwan Hiri Berria - Hongqiao Tren geltokia tartea (36 kilometro eta 28 geltoki).
- Longxi kalea - Hanghua Xincun tartea.
- 11. linea:
- Jiading Hiri Berria - Anting tartea (13 kilometro eta 4 geltoki).
- 13. linea: Lupu zubia - Changqing kalea tartea (4 kilometro eta 3 geltoki).
[aldatu] Lotuneak
Linea berriak eraiki diren heinean, gaur egun metroak hainbat lotune eskaintzen ditu, linea ezberdinen artean:
| Geltokia | Linea |
|---|---|
| Xinzhuang | 1, 5 |
| Shanghai hegoaldeko tren geltokia | 1, 3 |
| Shanghai Indoor Stadium | 1, 4 |
| People's Square | 1, 2, 8 |
| Shanghaiko tren geltokia | 3, 4, 1 |
| Jing'an tenplua | 2, 7 |
| Zhongshan parkea | 2, 3, 4 |
| Century Avenue | 2, 4, 6, 9 |
| Lancun kalea | 4, 6 |
| Hegoaldeko Xizang kalea | 4, 8 |
| Yishan kalea | 3, 9, 4 |
| Changshu kalea | 1, 7 |
| Zhenping kalea | 3, 4, 7 |
| Dong'an kalea | 4, 7 |
| Yaohua kalea | 7, 8 |
| Mendebaldeko Gaoke kalea | 6, 7 |
| Longyang kalea | 2, 7 |
| Zhaojiabang kalea | 7, 9 |
| Lujiabang kalea | 8, 9 |
| Caoyang kalea | 3, 4, 11 |
| Jiangsu kalea | 2, 11 |
[aldatu] Argazkiak
-
Bigarren lineako geltokia, Shanghaiko Zientzia eta Teknologia museoan.
-
Hirugarren lineako trena eta geltokia.
-
Huangxing kaleko geltokiaren ikuspegia.
-
Bigarren lineako trena barrutik ikusia.
[aldatu] Erreferentziak
- ↑ shanghaiist.com webguneko albistea (ingelesez).
- ↑ Xinhua agentziaren albistea (txineraz).
- ↑ http://www.shmetro.com/node49/201004/con103514.htm Shanghaiko metroaren webgunea (txineraz).
[aldatu] Ikus, gainera
[aldatu] Kanpo loturak
- (Txineraz) Shanghaiko metroaren webgune ofiziala.
- (Ingelesez) Shanghaiko metroari buruzko informazioa Urbanrail.net webgunean.
| Aurrekoa Londresko metroa |
Munduko metrorik luzeena 2010 - |
Ondorengoa Luzeena da |
| Txinako Herri Errepublikako metroak |  |
|
|---|---|---|
| Eraikiak: | Beijing | Changchun | Chengdu | Chongqing | Dalian | Hong Kong | Guangzhou | Nanjing | Shanghai | Shenyang | Shenzhen | Tianjin | Wuhan | |
| Eraikitzen:: | Changsha | Hangzhou | Harbin | Kunming | Nanchang | Ningbo | Qingdao | Suzhou | Xi'an | Wuxi | Zhengzhou | Ziboko metroa | |
| Proiektuan:: | Changzhou | Datong | Dongguan | Foshan | Fuzhou | Guiyang | Hefei | Jinan | Lanzhou | Macau | Nanning | Shijiazhuang | Taiyuan | Urumqi | Wenzhou | Xuzhou | |
