Shimane (prefektura)

Shimane prefetura (japonieraz: 島根県, Shimane-ken) Japoniako Honshu uharteko prefetura bat da. Hiriburua Matsue hiria da. Japonian biztanle gutxien duen bigarren prefetura da, alboan daukan Tottoriren ondoren.

Historia

Iwami, Izumo eta Oki-k bat egin zuten 1871 urtean Shimane prefetura sortzeko.

Aspalditik leinuen arteko borroka latzak izan zituen Iwami Ginzan-go zilar meategiak zirela eta. 1566an Mori Motonarik lurralde guztia konkistatu zuen baina 1600an Sekigaharako borroka galdu ondoren Horio Yoshiharuren esku gelditu zen. Honek Matsue gaztelua eraiki zien eta inguruan sortu zen hiria da gaur egungo prefeturaren hiriburua.

Geografia

Prefeturak forma luzanga du, ekialdetik mendebaldera. Hegoaldean Chūgoku mendiak daude, eta iparraldean Japoniako itsasoa. Iparraldeko kostaldetik gertu uharte txiki batzuk ditu. Hiri gehienak Japoniako itsasoko kostaldean daude; han biltzen dira prefeturaok populazioaren bi herenak. Kostaldetik kanpo, lurraldea oso menditsua da. Japoniako itsasoko Oki uharteak ere prefeturaren parte dira.

Banaketa administratiboa

Hiriak

• Hiri handienak:

1. Matsue (hiriburua, 195.875 biztanle)
2. Izumo (146.115 bizt.)
3. Hamada (61.325 bizt.)
4. Masuda (50.980 bizt.)

• Hiri guztiak:

Gōtsu Hamada Izumo Masuda

Matsue (hiriburua) Ōda Unnan Yasugi

Herriak barrutika sailkatuta

Iishi barrutia Iinan Kanoashi barrutia Tsuwano Yoshika Nita barrutia Okuizumo

Ōchi barrutia Kawamoto Misato Ōnan Oki barrutia Ama Chibu Nishinoshima Okinoshima

Ondasun nabarmenak

• Iwami Ginzan-go zilar meategiak (Gizateriaren Ondarea)
• Izumo-taisha santutegia
• Matsue gaztelua
• Shimane Arte Museoa
• Daisen-Oki Parke Nazionala
• Nakaumi aintzira
• Shinji aintzira
• Tamatsukuri onsena

Iruditegia

• 
  Iwami Ginzan-go zilar meategiak.
• 
  Izumo-taisha santutegia.
• 
  Matsue gaztelua.
• 
  Shimane Arte Museoa.
• Oki uharteak (Daisen-Oki Parke Nazionala).
  Oki uharteak (Daisen-Oki Parke Nazionala).
• 
  Nakaumi aintzira.
• 
  Shinji aintzira.
• 
  Tamatsukuri onsena.
• 
  Hinomisaki lurmuturra.

Kanpo loturak

Wikimedia Commonsen badira fitxategi gehiago, gai hau dutenak: Shimane (prefektura)

• Official Shimane prefecture homepage