Silvio Berlusconi
| Silvio Berlusconi | |
 |
|
|
|
|
|---|---|
| Karguan | |
| 2008-(e)tik | |
| Presidentea | Giorgio Napolitano |
| Aurrekoa | Romano Prodi |
| 2001 – 2006 | |
| Presidentea | Carlo Azeglio Ciampi |
| Aurrekoa | Giulanio Amato |
| Ondorengoa | Romano Prodi |
| 1994 – 1995 | |
| Presidentea | Oscar Luigi Scalfaro |
| Aurrekoa | Carlo Azeglio Ciampi |
| Ondorengoa | Lamberto Dini |
|
|
|
| Jaiotza | 1936ko irailaren 29a Milan, Italia |
| Alderdi Politikoa | Forza Italia |
| Ezkontidea | Carla Dall'Oglio (dibortziatua) Veronica Lario |
| Lanbidea | Enpresaburua |
| Erlijioa | Katolikoa |
Silvio Berlusconi (Milan, Italia, 1936ko irailaren 29a -) enpresaburu eta politikari italiarra da. "Il Cavaliere" ezizena du.
Italiako Errepublikaren lehen ministroa hiru aldiz izan da: 1994-1995, 2001-2005 eta 2005-2006. 2008ko apirilean hauteskundeak berriro irabazi zituen Askatasunaren Herria (PDL) koalizioarekin. Forza Italia alderdiko buruzagia da, eta Mediaset enpresako nagusia, telebista kateen artean Frantziako "La Cinq" eta Espainiako "Telecinco" barne hartzen dituena. Munduko 45. pertsona dirudunena da Forbes aldizkariaren arabera.
Halaber, AC Milan futbol taldearen presidentea da 1986tik.
[aldatu] Biografia
Zuzenbidea ikasi zuen Milanen. Enpresa ugari sortu eta zuzendu ditu. 1994an haren holdingak (Fininvest) enpresa hauek biltzen zituen, besteak beste: garrantzi handiko hiru telebista kate, bi egunkari, aldizkari asko, Mondadori argitaletxea, La Standa saltoki handiak, aseguru eta finantza etxeak eta AC Milan futbol taldea. 1994an Forza Italia alderdia sortu zuen eta hauteskunde orokorretara aurkeztu zen, martxoan, Iparraldeko Ligarekin eta Aliantza Nazionala alderdi neofaxistarekin batera. Forza Italiak botoen % 21 lortu zituen, eta haren aliatuek, berriz, % 23. Silvio Berlusconi izendatu zuten Lehen Ministro, baina handik gutxira, 1995eko urtarrilean, kargua utzi behar izan zuen, haren aurkako ustelkeria salaketa ugariak zirela eta. 1996ko urtarrilean Berlusconiren kontrako epaiketa hasi zen, Milanen. Hiru hilabete geroago, hauteskundeak galdu zituen. 1997ko abenduan urtebete eta lau hilabeteko kartzela zigorra ezarri zioten, baina 1990ean barkamena eman zioten.
[aldatu] Kanpo loturak
- (Italieraz) Berlusconiren biografia Forza Italiaren webgunean
- (Italieraz) Berlusconiren jarraitzaileen webgunea
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
