Sinestun zahar

Wikipedia(e)tik
Hona jo: nabigazioa, Bilatu
Errusiar jatorriko sinestun zaharrak AEBetan.

Sinestun zaharra, Errusiako Eliza Ortodoxoaren historiari dagokionez, XVII. mendearen erdialdean eliza horretatik bereizi zen izen bereko taldeko kidea da. Aurkariek raskolniki («zismatikoak») ere deitzen zieten sinestun zaharrei (raskol izenak, errusieraz, «zisma» esan nahi du), baina gaitzespeneko termino hori ez da hain erabilia gaur egun.

1654. urtean, Mosku patriarkak, Nikonek, Errusiako Elizaren liturgia berritu zuen; zenbaitentzat, berrikuntzak mendebaldearen eraginaren ondorioa ziren, eta tradizioaren aurkakoak; beraz, zisma gertatu zen. Zismaren ondoren, sinestun zaharrak bi taldetan banatu ziren: popovtsiak, Elizaren hierarkiaren aldekoak, eta bezpopovtsiak, Elizaren hierarkiaren aurkakoak.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Sinestun zahar Aldatu lotura Wikidatan