Sinn Féin

Wikipedia(e)tik
Hona jo: nabigazioa, Bilatu
Sinn Féin
Presidentea Gerry Adams
Sorrera 1905
Egoitza nagusia Dublin eta Belfast
Ideologia politikoa Errepublikanismo irlandarra eta sozialista
Nazioarteko afiliazioa Europako Ezker Batua - Iparraldeko Ezker Berdea
www.sinnfein.ie

Sinn Féin (euskaraz "Gu Geu", ahoskera Xin Fein) Irlandako alderdi politiko bat da. Mugimendu hau 1905ean Arthur Griffithek sortutako ondorengo garbi eta bakarra berea dela aldarrikatzen dute.

Gaur egun, 1970ean Irlandako errepublikanismoan sortutako adar batekin, Provisional Sinn Féin bezala ere ezagunarekin, lotzen da Sinn Féin izena. Alderdi hau bai Irlandako Errepublikan (non 166etatik 5 eserleku lortu dituen Dáil Éireannean) baita Ipar Irlandan (108etatik 24 eserleku ditu hango asanbladan, alderdi irlandar nazionalista handiena, alegia) dauzka ordezkariak.

Erresuma Batuko Westminster-eko parlamentuan ere baditu 5 eserleku (646etatik), baina bere legebiltzarra ez delakoan Sinn Féineko ordezkariak ez dira aurkeztu.

Alderdi ezkertiarra, errepublikano eta irlandar abertzalea, IRArekin lotu da beti.

Sinn Féin alderdiaren bulegoak Belfast hirian.

2014ko urriaren 22an, Sinn Feinek iragarri zuen Mairtin O'Muilleoir izango zela alderdiaren hautagaia 2015ean Erresuma Batuan egitekoak ziren hauteskunde parlamentarioetarako[1].

Alderdiko buruak[aldatu | aldatu iturburu kodea]

Historian zehar alderdia honako pertsonek zuzendu dute:

1923an, Irlandako Estatu Askea sortzearen truk Anglo-Irlandar Ituna onartu zuten alderdikide asko Cumann na nGaedhael alderdira joan ziren, gerora Fine Gael alderdia sortuz
1926an, nahiz eta hasiera batean Anglo-Irlandar Ituna ez onartu, azkenean De Valerak Sinn Féin alderdia utzi eta noizbait Irlandaren batasuna lortzeko asmoz Irlandako Estatu Askearen legalitatea onartu eta Fianna Fáil sortu zuen
1970ean, bi alderditan banatu zen
  • Sinn Féin (Gardiner Place), Sinn Féin Ofiziala bezala ezagutzen zena, bertan korronte sozialista nagusi zen. Alderdiak Langileen Alderdia izena hartu zuen 1982an eta, ondoren, Irlandako Langilen Alderdia izena.
  • Sinn Féin (Kevin Street), edo Behinbehineko Sinn Féin, bertan korronte nazionalista nagusi zen. Alderdiaren korronte hau da gaur egun Sinn Féin izena daukana.
1986an, Ó Brádaighek alderdia utzi zuen eta Sinn Féin Errepublikarra (Republican Sinn Féin) sortu zuen, Jarraipeneko IRAri loturikoa.

An Phoblacht[aldatu | aldatu iturburu kodea]

Alderdiaren egunkari ofiziala An Phoblacht ("Errepublika") deitzen da.

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Sinn Féin Aldatu lotura Wikidatan


  1. Jon Olano, «Stormonteko parlamentari izendatu dute Mairtin O'Muilleoir», Berria, 2014-10-23