Sinplizio Ziliziakoa

Sinplizio Ziliziakoa, latinez Simplicius Cilicius eta grekeraz Σιμπλίκιος, (c. 490 - 533. urtearen ondoren) VI. mendeko filosofo neoplatoniko eta doxografo bat da.

Bizitza

Agathias Scholastikosen arabera, Alexandrian ikasi zuen eta beste iturri batzuen arabera Akademiako azken burua izan zen Damasziorekin ikasi zuen. Atenasko platonikoekin Persian bizi izan omen zen 531-533 urteetan, baina Bizantzioren eta Persiaren arteko pake-itunaren ondoren, Atenasera itzuli zen.

Lana eta pentsamendua

Antzinako filosofo jonikoen eta pitagorikoen berri emateaz gainera, pentsamendu platonikoa eta aristotelikoa uztartu izanagatik da ezaguna. Ezagutzen diren bere lanak 533. urtez geroztikakoak dira:

• In Aristotelis categorias commentaria,
• In Aristotelis physicorum libros quattuor posteriores commentaria,
• In Aristotelis libros de caelo,
• In commentaria in Epictetis enchiridion, Epiktetoren Enkhiridion liburuaren iruzkinak.