Sintesi gehigarri

Wikipedia(e)tik
Hona jo: nabigazioa, Bilatu

Sintesi gehigarria tinbre musikal bat sortzeko erabiltzen den soinu sintesi teknika bat da.

Instrumentu baten tinbrea armoniko edo partzial anitzez osatua da. Armoniko edo partzial horiek, kopuru desberdinetan, denboran zehar aldatzen dira. Sintesi gehigarriak armoniko eta anplitude desberdineko soinu-uhin anitz erabiltzen ditu instrumentuen tinbreak imitatzeko. Honetarako, normalean, oinarrizko frekuentziaren anitzkoien tonuetan afinatuta dagoen osziladore banku bat erabiltzen da. Askotan, osziladore bakoitzak bere ozentasun inguratzailea dauka, denboran zehar aldatzen den soinu errealista eta dinamikoa sortuz.


Teoria[aldatu | aldatu iturburu kodea]

Sintesi gehigarriaren atzean dagoen kontzeptua Joseph Fourier frantziar matematikariak egindako lanarekin lotuta dago. Fourierren aurkikuntza ondokoan datza: funtzio periodikoak serie infinitu baten batuketaz osatuta daude. Honi jarraiki, seinale periodiko guztiak, funtzio matematiko gisa irudikatuta daudenean, frekuentzia anitzeko sinu funtzioen batuketaz osa daitezke. Zehatzago, denbora diskretuan dagoen edozein soinu periodiko honela sintetizatu daiteke:

s[n] = \frac{1}{2} a_0[n] + \sum_{k=1}^{k_{\max}} a_k[n] \cos\left( \frac{2 \pi f_0}{F_\mathrm{s}} k n \right)-b_k[n] \sin\left( \frac{2 \pi f_0}{F_\mathrm{s}} k n \right)

edo

s[n] = \frac{1}{2} a_0[n] + \sum_{k=1}^{k_{\max}} r_k[n] \cos\left( \frac{2 \pi f_0}{F_\mathrm{s}} k n + \varphi_k[n] \right)

non

a_k[n] = r_k[n] \cos \left( \varphi_k[n] \right) \quad b_k[n] = r_k[n] \sin \left( \varphi_k[n] \right) \,

eta Fs laginketa frekuentzia da, f0 oinarrizko frekuentzia da, eta kmax < Fs/(2 f0) armonikorik altuena da (Nyquist frekuentziaren azpitik).

Commonsen badira fitxategi gehiago, gai hau dutenak: Sintesi gehigarri Aldatu lotura Wikidatan