Sisak

Sisak
Estatua	Kroazia
Probintzia	Sisak-Moslavina eskualdea
Koordenatuak	45°29′N 16°22′E
Sisak
Eremua	422.75 km2
Garaiera	98 m
Posta kodea	44000
Biztanleria Metropoli eremua	33.049 bizt. (2011) 47.699
Dentsitatea	bizt./km²
http://www.sisak.hr/

Sisak (Eslovenieraz: Sisek, serbieraz (zirilikoz) Сисак, alemanieraz Sissek, hungarieraz Sziszek, latinez Siscia), Kroaziako Sisak-Moslavina eskualdeko hiriburua da, izen guzti hauek adierazten duten bezala aintzinatik ezaguna.

Geografia

Sava, Kupa eta Odra ibaiek bat egiten duten tokian kokaturik dago, Kroazia erdialdean, Zagreb hiriburutik 57 kilometro hego-ekialdera. Sisak Kroaziako ibai-potu handiena da eta ibaietarako itsasuntzi industria nagusia du.

Historia

Sisaken aurkituriko Vetranio enperadorearen txanponak, 350 urtekoak

Hiru ibaien elkargunea izanik duela 2500 urte bazen herrixka zeltiar bat, Segestica izena zuena. Erromatarrek inbaditu zutenean Panonia probintziaren hiriburu izatera ere iritsi zen Siscia. Dioklezianoren jazarpenean Sisciako Kirino martiri kristaua (kroazieraz Svetog Kvirin) torturatu eta ia hil egin zuten baina ihes egitea lortu zuen. Gaur egun Sisakeko patroia da.

XVI. mendean gotorleku triangeluarra eraiki zuten, 1593an kroaziarrei eta karniolarrei (esloveniarrei) gotorleku honek turkiarrei aurre egiteko eta garaipena lortzeko balio izan zien. Sisakeko bataila izan zen turkiarrek Europan jasan zuten lehenengo porrot handia eta kroaziarrak gidatu zituen Toma Bakač Erdedi Bana Europa guztian famatu bihurtu zen.

Bigarren Mundu Gerran haurren kontzentrazio-esparru bat izan zen Sisaken.

Ondasun nabarmenak

• Mali Kaptol jauregi barrokoa.
• Veliki Kaptol jauregi klasizista.
• Stari Most: Kupa ibaiaren gaineko zubi zaharra.

Kanpo loturak

• (Kroazieraz) Webgune ofiziala