Skogskyrkogården

Skogskyrkogården
Skogskyrkogården
UNESCOren gizateriaren ondarea
Irudi gehiago
Kokapena
Estatu burujabe	Suedia
Suediaren banaketa administratiboa	Stockholmgo konderria
Suediako udalerria	Stockholm udalerria
Koordenatuak	59°16′32″N 18°05′58″E
Historia eta erabilera
Irekiera	1915
Erabilera	Q29045010
Arkitektura
Arkitektoa	Gunnar Asplund
Diseinatzailea	Gunnar Asplund eta Sigurd Lewerentz (en)
Estiloa	Nordic Classicism (en) funtzionalismoa
Azalera	108,08 ha
Atalak	eraikin: 4
Gizateriaren ondarea
Irizpidea	(ii) eta (iv)
Erreferentzia	558 eta 558rev
Eskualdea	Europa eta Ipar Amerika
Izen-ematea	1994 (XVIII. bilkura)
Webgune ofiziala

Skogskyrkogården (euskaraz: «Basoko hilerria») Stockholmen dagoen hilerria da, Gunnar Asplund eta Sigurd Lewerentz arkitektoek 1917-1920 hasieran eraikia. 1994ean Unescok Gizateriaren Ondare izendatu zuen. Tallum pabiloian bisitariek hilerriari eta arkitektoei buruzko informazioa dago erakusgai. Mundu osoan zehar eragina izan du hilerri proiektuetan.

Skogskyrkogården egitasmoa 1915ean egindako nazioarteko lehiaketatik dator, helburua hilerri berria Enskeden egitea zetzana, Stockholm hegoaldean. Aukeratutako lekua legar harrobia izandako lurrak ziren, non pinuak hazten ziren. Gunnar Asplund eta Sigurd Lewerentz arkitekto gazteen proiektua aukeratu zen, Tallum izenekoa (suedieraz Tall, "pinu" da). Lanak 1917 hasi ziren, eta hiru urte geroago amaitu.

Hilerria basoaren izadiari egokitzen da, eta bertan kapera batzuk eta errausketa etxea daude. Arkitektoek paisaia naturala maisuki erabili zuten, edertasun lasaiko inguruak sortuz. Errausketa etxea Asplunden azkeneko lana da, 1940an hil baino justu lehenago irekia. Bertan Fedearen, Esperantzaren eta Gurutze Santuaren kaperatxoak daude.

Ezagun lurperatuak

Hilerri honetan badira lurperatutako ospetsu batzuk, baina nahiko gutxi Stockholm iparraldeko Norra begravningsplatsen hilerriarekin alderatuta. Guztira 50.000 hilobi daude. Hona hemen ezagunenenak:

• Anton Nilson (1887-1989), iraultzaile komunista
• Gunnar Asplund (1885-1940), arkitektoa
• Greta Garbo (1905-1990), aktorea
• Ivar Lo-Johansson (1901-1990), idazlea
• Oscar A.C. Lund (1885-1963), zinema mutuko aktore eta zuzendaria
• Lennart "Nacka" Skoglund (1929-1975), futbolaria
• Alma Johansson (1880-1970), misiolaria

Irudiak

• 
  Basoko hilobiak
• 
  Skogskapellet
  Basoko kapera
• 
  Gurutze Santuaren kapera
• 
  Uppståndelsekapellet
  Berpizkundearen kapera

Kanpo estekak

• Webgune ofiziala
• UNESCO deskribapena
• Ibilbide birtuala Skogskyrkogården-en

• Datuak: Q213988
• Multimedia: Skogskyrkogården / Q213988