Solokoetxe

Solokoetxe
Euskal Herria
Kokapena
Herrialdea	Bizkaia
Udalerria	Bilbo
Administrazioa
Posta kodea
Geografia
Koordenatuak	43°15′25″N 2°55′06″W
Azalera	0,11 km²
Demografia
Dentsitatea	bizt/km²

Solokoetxe Bilboko auzoa da, Ibaiondoko barrutian kokaturik dago, bosgarren barrutian alegia.

5.909 biztanle eta 0,11 kilometro karratuko azalera dauka (2006an Bilboko udalak emaniko datuen arabera).

Biztanle dentsitate handiena duen Bilboko auzoa da. Aldi berean Euskal Herrian dagoen auzorik dentsoenetarikoa da.

Auzoa Solokoetxeko eskaileren inguruan zabaltzen da Iturrialde, Atxuri eta Santutxuko auzoen artean.

Auzoaren garapena XIX. mende amaiera eta XX. mendearen hasieran gertatu zen. Dauden malda handiak direla eta igogailu bat eraiki zen Solokoetxe Bilboko Alde Zaharrarekin elkartzeko. Bilboko hiriak dituen igogailurik erabiliena da, urtero ia milioi bat pertsonek erabiltzen dute Solokoetxeko igogailua.

Garraiobide eta azpiegiturak

Solokoetxe eta Zazpikaleak elkartzen dituen igogailu bat dago, Creditrans txartela erabiliz ezin daiteke ordaindu, eta guztira 45 zentimoko prezioa dauka. Horrez gain, 10 eta 30 bidaietarako bonoak eskaintzen dira. Baita ere, autobus bat dago A2 SOLOKOETXE - PL. BIRIBILA eta horretan bai Creditrans txartela erabili ahal dela.

Zerbitzuak

Auzoan daude Santutxuko Anbulatorioa eta Osasun Mentalaren Zentroa, lehenagoko Solokoetxeko Amategia zenaren eraikinak okupatuz.

Halaber, "Assalam Meskita" dugu, Fika kaleko 12. zenbakian, Bilbo eta Euskal Herriko meskitarik handienetarikoa.

Kale garrantzitsuenak

• Fika kalea.
• Solokoetxe kalea.
• Zabalbide kalea.
• Zumarraga kalea.

Pertsonaia ezagunak

• Eugenio Beitia Aldazabal (1902-1985), apezpikua.

Elkarteak

• Irrintzi (konpartsa)

Ikus, gainera

• Mahatserri

Kanpo estekak

• (Gaztelaniaz)Eugenio Beitiaren aipamena "Auñamendi" entziklopedian

• Datuak: Q11950129

Euskarazko Wikipedian bada atari bat, gai hau duena: Bilbo