Stara Zagora

Wikipedia(e)tik
Hona jo: nabigazioa, Bilatu

Stara Zagora

bandera

armarria

Izen ofiziala Стара Загора
Estatua BulgariaBulgaria
Probintzia Stara Zagora
Koordenatuak

42°26′N 25°39′E / 42.433°N 25.650°E / 42.433; 25.650Koordenatuak: 42°26′N 25°39′E / 42.433°N 25.650°E / 42.433; 25.650

Stara Zagora non dagoen adierazten duen Bulgaria-ko/-go/-eko mapa
Stara Zagora
Eremua 85.786 km²
Garaiera 125 m
Biztanleria 136.363 bizt. (2011)
Dentsitatea bizt./km²
Sorrera 196
http://www.starazagora.bg/

Stara Zagora[1] (bulgarieraz: Стара Загора) Bulgariako erdialdeko hiri bat da, herrialdeko seigarren handiena. Stara Zagora probintziako hiriburua da.

Plovdiv hiritik 90 km ipar-ekialdera dago, eta Sofia hiriburutik 231 km ekialdera. Traziako eskualde historikoan dago, itsasoaren gainetik 196 metroko altuerara.

Historia[aldatu | aldatu iturburu kodea]

Stara Zagora Bulgariako eta hego-ekialdeko Europako hiririk zaharrenetarikoa da, 8.000 urte inguruko historia baduenez. Horrek azaltzen du hiriak bere historian zortzi izen hartu izana: Beroe, Augusta Trajana, Vereya, Irinopolis, Boruy, Eski Zagra, Zheleznik eta Stara Zagora.

K.a. IV. mendean traziarrek sortu zuten hiria, Beroe izena ipinita. Erromatarren garaian, II. mendean, Augusta Trajana izena zeukan Trajano enperadorearen omenez. Bizantziarren garaian, VI-VII. mendeetan, Vereya izan zen hiriaren izena, eta VIII. mendean, Irina enperatrizaren omenez, Irinopolis. Hiria IX-XIII. mendeetan bulgariarren esku egon zenean Boruy izena izan zuen. 1364. urtean turkiarrek eskuratu zuten hiria, eta Eski Zagra izena ipini zioten. XIX. mendeko 50eko hamarkadan Zheleznik izena izan zuen, eta 1871. urtean ipini zioten gaur egun daukan Stara Zagora izena.

Klima[aldatu | aldatu iturburu kodea]

Stara Zagoran klima kontinental epela daukate, Mediterraneo itsasoaren eraginarekin. Urte guztiko batezbesteko tenperatura 13ºC-koa da.

Datu klimatikoak (Stara Zagora)
Hila Urt Ots Mar Api Mai Eka Uzt Abu Ira Urr Aza Abe Urtekoa
Erregistraturiko tenperatura maximoa (°C) 18 24 28 32 37 39 42 42 38 34 24.5 19.7 '
Batez besteko tenperatura maximoa (°C) 5 7 11 17 22 26 29 29 24 18 11 6 17.1
Batez besteko tenperatura (ºC) 2 3.5 6.5 12 17 21 23.5 23.5 19 13.5 7.5 2.5 12.6
Erregistraturiko tenperatura minimoa (°C) -24 -19 -12 -4 -0.3 6 7 8 0 -5 -7.9 -17 '
Batez besteko tenperatura minimoa (°C) -1 0 2 7 12 16 18 18 14 9 4 -1 8.2
Pilatutako prezipitazioa (mm) 21.9 24 26.5 32.8 44.6 36 38.8 27.7 35 24.4 33.6 39.6 384.9
Iturria: http://weather.msn.com

Ekonomia[aldatu | aldatu iturburu kodea]

Stara Zagora administrazio- eta industria-gune garrantzitsua da. Nekazaritza-merkatua da nagusi; ekoizpen garrantzitsuenak: garia, garagardoa, ardoa, ehungintza, ongarriak, gari-irina eta larrosa-esentzia.

Trenbide lotune garrantzitsua dago Stara Zagoran: Bulgariako hiri handi guztiekin lotuta dago, baita Ekialdeko eta Mendebaldeko Europarekin ere.

Hezkuntza eta kultura[aldatu | aldatu iturburu kodea]

Stara Zagora gaur egun Bulgariako hiririk modernoetarikoa da. Hezkuntza- eta kultura-gune oso garrantzitsua da. Besteak beste, Stara Zagorako Traziako Unibertsitatea dago hirian.

Opera, museoak eta arte-galeriak daude hirian, baita turismoa indartzeko hotelak eta bestelako zerbitzuak ere.

Erreferentziak[aldatu | aldatu iturburu kodea]

Kanpo-loturak[aldatu | aldatu iturburu kodea]

Commonsen badira fitxategi gehiago, gai hau dutenak: Stara Zagora Aldatu lotura Wikidatan


Geografia
Bulgaria
Artikulu hau Bulgariako geografiari buruzko zirriborroa da. Wikipedia lagun dezakezu edukia osatuz.