Susumu Tonegawa
Susumu Tonegawa (Nagoya, Japonia, 1939ko irailaren 6a) biologo molekularra eta fisiologoa da.
Biografia
1963an, Ameriketako Estatu Batuetara joan zen ikasketekin jarraitzera, eta han egin zen doktore. 1971-1981ean, biologia eta fisiologiari buruzko ikerketa garrantzitsuak egin zituen Basileako immunologia-institutuan, eta, 1981etik aurrera, Minbizia Ikertzeko Guneko biologia-saileko irakaslea izan zen.
Antigorputz-mota ugari sortzeko oinarri genetikoak aurkitu zituela eta, Medikuntzako eta Fisiologiako Nobel saria eskuratu zuen 1987an.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011-12-27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.