Taj Mahal

Wikipedia(e)tik
Hona jo: nabigazioa, Bilatu
Taj Mahal1
UNESCOren gizateriaren ondarea
Taj Mahal in March 2004.jpg
Mota Kulturala
Irizpideak i
Erreferentzia (ID) 252
Kokalekua IndiaIndia
Eskualdea2 Asia eta Australasia
Koordenatuak 27°10′29″N 78°02′32″E / 27.1747991°N 78.042111°E / 27.1747991; 78.042111Koordenatuak: 27°10′29″N 78°02′32″E / 27.1747991°N 78.042111°E / 27.1747991; 78.042111
Izen ematea 1983 (VII. bilkura)
1 UNESCOk jarritako izen ofiziala (euskaratua)
2 UNESCOren sailkapena

Taj Mahal Agra hirian (India), Yamuna ibaiaren ertzean, dagoen mausoleo handia da, Shah Jahan errege mogolak bere emaztea zen Mumtaz Mahalen omenez eraikia (izenak Jauregiko Argi esan nahi du). Erregina bere hamalaugarren haurra erditzean hil zen.

XVII. mendean eraiki zuten 1631 eta 1654 bitartean. Kupularen azpian, ganbera nahiko ilun batean, Sha Jahan eta Mumtaz Mahalen gorpuak daude, munduari beren betiereko amodioa gogorarazi nahian.

Ezaugarriak[aldatu | aldatu iturburu kodea]

Shah Jahan enperadoreak (1627- 1658) eraikiarazi zuen Agra hiriaren kanpoaldean. Arte mogolarena ez ezik Sortalde osoko monumentu aipagarrienetakoa da Taj Mahal. Eraikuntzaren fatxadak arku zorrotzeko leihoak ditu, eta erraboil baten itxurako kupula handi bat estalki gisa. Kupula handien albo banatan beste bi daude, txikiagoak. Multzo osoa inguratzen duen laukiaren kantoietan zilindro itxurako lau dorre mehe daude, kanpoaldera pixka bat makurtuak, lurrikararen batek eraitsiz gero, ez daitezen erori eraikuntza nagusiaren gainean.

Eraikuntza marmol zuriz egina dago eta lore marrazkiez apaindua, simetria, ordena eta zorroztasun ikaragarriaz.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Taj Mahal Aldatu lotura Wikidatan