Termodinamikaren lehenengo legea

Wikipedia(e)tik
Hona jo: nabigazioa, Bilatu

Termodinamikaren lehenengo legeak, energiaren kontserbazioa ere deitua, sistema baten energia aldaketa, sistemari emandako beroa eta berarengan egindako lanaren batura dela dio.

d E = \delta Q + \delta W\,

non:

  • dE: sistemaren energiaren aldaketa infinitesimala.
  • δQ: bero trukaketa. Balio positiboa sistemak xurgatutako beroa da.
  • δW: lan trukaketa. Balio positiboa sistemari egindako lana da.

Lege hau ezin da fisikaren beste legeetatik eratorri, oinarrizko printzipio bat da, guztiz enpirikoa. Lege honen lehenengo adierazpena 1850ean Rudolf Clausiusek eman zuen. Esan zuenez, badago propietate bat, E, energia deitua, zeinetan bere aldaketa prozesu adiabatiko baten trukatutako lanaren berdina den. Prozesu adiabatiko bat bero trukaketa gabe gertatzen dena da, hortaz ikus daiteke aurreko ekuazioarekin baliokidetasuna.

Sistema bezala unibertsoa hartzen bada, ez dago ingururik unibertsoarekin beroa edo lana trukatuko duenik. Beraz, dE = 0, edo berdina dena, unibertsoaren energia konstantea da, horregatik lege honi energiaren kontserbazioa ere deitzen zaio.

Ziklo termodinamiko batean, hasiera eta amaierako egoerak berak dira. Ondorioz, energia propietate bat denez bere balioa ere berdina izango da hasieran eta amaieran, eta \Delta E = 0 = Q + W. Hortaz, ziklo batean trukatutako beroa, egindako lanaren berdina da.

E energia, barne energiaz, energia potentzialaz, energia zinetikoaz eta energia elektromagnetikoaz osatua dago. Askotan, energia hauen aldaketa prozesu baten arbuiagarria da barne energiaren aldaketaren aldean. Horregatik, energia ordez barne energia (U) maiz erabiltzen da, eta ekuazioa hurrengo eran aurkitzea oso ohikoa da:

d U = \delta Q + \delta W\,

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]

  • (Euskaraz) hiru.com Termodinamikaren lehenengo legea.