Testu-editore
Wikipedia(e)tik
Testu-editore bat, testu-fitxategiak editatzeko programa da.
Askotan sistema eragilearekin batera datoz testu-editoreak eta konfigurazio-fitxategiak edo programazio-lengoaiako iturburu-kodea editatzeko erabil daitezke.
Eduki-taula |
[aldatu] Testu-editoreen ohiko ezaugarriak
[aldatu] Bilatu eta ordeztea
Hitzak edo testu-zatiak bilatu eta bat datozen agerpenak beste testu-zatiekin ordezteko gaitasuna. Bilatu eta ordezteak fitxategi guztiari edo aukeratutako zatiari eragin diezaioke.
[aldatu] Ebaki, kopiatu eta itsastea
Oso ohikoa da editoreek testu-zatiak kopiatu edo ebakitzeko aukera ematea, gero fitxategiaren beste lekuren batean edo beste fitxategi batean testu-zatia itsatsi ahal izateko.
[aldatu] Testuari formatua ematea
Zenbait editorek oinarrizko formatua eman diezaieke testuei, hala nola itzulbira edo koska gehitzea.
[aldatu] Desegin eta berregitea
Normalean azken aldaketak desegiteko aukera ematen dute testu-editoreek. Editore zaharretan, azken aldaketa soilik desegiteko aukera ikusi ohi da; editore modernoetan, ordea, aldaketa bat baino gehiago desegin daitezke. Desegiteko aginduaren osagarri gisa dago berregiteko agindua eta justu kontrakoa egiten du.
