The Agony and the Ecstasy (filma)
The Agony and the Ecstasy (euskaraz Hiltzoria eta Estasia) 1965eko Carol Reed estatubatuar zinema zuzendariaren historia eta biografia filma bat da. Irving Stone idazlearen izenburu berdineko The Agony and the Ecstasy eleberrian oinarritua dago, hura era berean Michelangelo eskulturgile eta margolariaren bizitzan oinarritua dagoelarik. Bertan, Charlton Heston, Rex Harrison, Diane Cilento, Harry Andrews eta Alberto Lupo aktoreek antzeztu zuten.
Filma honek 5 Oscar Sarietarako izendapenak jaso zituen, nahiz eta bat bera ere irabazi ez izan.
Argumentua
Filma Berpizkunde garaiko Italian girotua dago. Julio II.a Aitasantu gerlariak Michelangelo eskulturgile eta margolariari Kapera Sixtinoko sapaila apaindu eta margotzeko mandatua emango dio, hasierako bien arteko desadostasun ugarien ondoren 1508-1512 bitartean artelan zoragarri hori gauzatua izango delarik.
Aktoreak
- Charlton Heston - Michelangelo Buonarrotti
- Rex Harrison - Julio II. Aitasantua
- Diane Cilento - Contessina Medicikoa
- Harry Andrews - Donato Bramante
- Alberto Lupo - Urbinoko dukea
- Adolfo Celi - Giovanni de Medici
- Venantino Venantini - Paris De Grassis
- John Stacy - Giuliano da Sangallo
- Fausto Tozzi - langileburua
- Maxine Audley - emakumea
- Tomas Milián - Rafael Sanzio