The Amityville Horror (1979ko filma)

The Amityville Horror (euskaraz Amityvilleko Izua) 1979ko Stuart Rosenberg estatubatuar zinema zuzendariak zuzendutako beldurrezko filma bat da. James Brolin, Margot Kidder, Rod Steiger, Don Stroud eta Murray Hamilton aktoreek antzeztu zuten.

Filma 1977ko Jay Anson idazlearen The Amityville Horror best-seller liburuan oinarritua dago, hura era berean, New York estatuko Amityville udalerriko Ocean etorbideko 112. zenbakian dagoen etxebizitzan Lutz familiak bizitako gertakizunetan oinarritua dago.

Estreinatu zen garaian zinema kritikariek filma ederki jipoitu arren, ikusle kopuru aldetik arrakasta handia izan zuen eta denborarekin beldurrezko zinemazaleen artean kultuzko filma bilakatu da eta hamabi jarraipen izan ditu: Amityville II: The Possession (1982), Amityville 3-D (1983), Amityville 4: The Evil Escapes (1989), The Amityville Curse (1990), Amityville: It's About Time (1992), Amityville: A New Generation (1993), Amityville Dollhouse (1996), The Amityville Haunting (2011), The Amityville Asylum (2013), Amityville Death House (2015), The Amityville Playhouse (2015), Amityville: The Reawakening (2016).

2005ean izenburu berdineko berregokitzapena estreinatu zen.

Argumentua

1974, New York estatuko Amityville udalerria. Etxebizitza batean bizi den familia bateko seme zaharrenak bapatean inongo azalpenik gabe senide guztiak tiroz hilko ditu. 1975ean George eta Kathy Lutz (James Brolin eta Margot Kidder) senar-emazte gazteak etxebizitza berdinean bizitzen jarri eta iraganean bertan jazo zen izugarrikeriari jaramonik egin gabe heuren bizileku berriari egokitzen saiatuko dira. Lutz senar-emazteek eta beren seme-alabek (Natasha Ryan, K.C. Martel eta Meeno Peluce) etxe madarikatu horretan 28 eguneko sekulako amesgaizto jasangaitz eta ikaragarria biziko dute.

Amityville udalerriko Ocean etorbideko 112. zenbakiko etxebizitza, 2005ko abenduan.

Aktoreak

• James Brolin: George Lutz
• Margot Kidder: Kathy Lutz
• Rod Steiger: Aita Delaney
• Don Stroud: Aita Bolen
• Murray Hamilton: Aita Ryan
• John Larch: Aita Nuncio
• Natasha Ryan: Amy Lutz
• K.C. Martel: Greg Lutz
• Meeno Peluce: Matt Lutz
• Michael Sacks: Jeff
• Helen Shaver: Carolyn
• Amy Wright: Jackie
• Val Avery: Gionfriddo sarjentua
• Elsa Raven: Townsend andrea
• Irene Dailey: Izeba Helena
• Marc Vahanian: Jimmy
• Ellen Saland: Jimmyren emaztea
• Eddie Barth: Agucci
• James Tolkan: Kolonela

Jarraipenak

• Amityville II: The Possession (1982)
• Amityville 3-D (1983)
• Amityville 4: The Evil Escapes (1989)
• The Amityville Curse (1990)
• Amityville: It's About Time (1992)
• Amityville: A New Generation (1993)
• Amityville Dollhouse (1996)
• The Amityville Horror (2005 remake)
• The Amityville Haunting (2011)
• The Amityville Asylum (2013)
• Amityville Death House (2015)
• The Amityville Playhouse (2015)
• Amityville: The Reawakening (2016)

Kanpo loturak

• The Amityville Horror filmaren iragarkia ikusgai. Youtube.com (Ingelesez)
• The Amityville Horror filmaren IMDBko fitxa irakurgai (Ingelesez)