The Final Countdown (filma)

Artikulu hau 1980ko filmari buruzkoa da; beste esanahietarako, ikus «The Final Countdown (abestia)».

The Final Countdown (euskaraz Amaierako Atzera Kontua) 1980ko Don Taylor estatubatuar zinema zuzendariaren zientzia-fikziozko filma bat da. Kirk Douglas, Martin Sheen, Katharine Ross, James Farentino, Ron O'Neal eta Charles Durning aktoreek antzeztu zuten.

Argumentua

1980. urtea. USS Nimitz hegazkinontzia ohiko ibilbidea burutzeko Hawaiiko itsas-basetik atera da. Handik denbora gutxira, itxura bereziko trumoi-ekaitz batean sartuko dira (berez denboran barna bidaiatzeko zizare-zuloa). Behin ekaitz bitxi horretatik atera ostean, ontziko Yelland kapitaina (Kirk Douglas) eta bere eskifaia 1941eko abenduaren 6an daudela jabetuko dira, hain zuzen ere Pearl Harboreko erasoaren aurreko eguna. Orduan, kapitainari zalantza bat sortuko zaio (aitonaren paradoxa delakoa), Pearl Harboreko erasoan duten 1980eko armamentu eta hegazkin modernoekin japoniar hegazkinei eraso egitea eta AEBak Bigarren Mundu Gerran ez sartzea ahalbideratuz historiaren norabidea aldatzea edota gauzak bere hartan lagatzea.

Kirk Douglas, ezkerratik laugarrena, filmaketa une batean.

Aktoreak

• Kirk Douglas: Matthew Yelland kapitaina
• Martin Sheen: Warren Lasky
• Katharine Ross: Laurel Scott
• James Farentino:Richard T. Owens komdandantea / Richard Tideman
• Ron O'Neal: Dan Thurman komodoroa
• Charles Durning: Samuel Chapman senataria
• Victor Mohica: Laino Beltz
• James Coleman (kredituetan James C. Lawrence): Perry tenientea
• Soon-Tek Oh (kredituetan Soon-Teck Oh): Simura
• Joe Lowry: Damon komodoroa
• Alvin Ing: Kajima tenientea
• Mark Thomas: Kullman marine kaporala
• Harold Bergman: kanpailaria
• Dan Fitzgerald: Navy doktorea
• Lloyd Kaufman: Kaufman teniente komodoroa

Kanpo loturak

Wikimedia Commonsen badira fitxategi gehiago, gai hau dutenak: The Final Countdown (filma)

• The Final Countdown filmaren IMDBko fitxa irakurgai (Ingelesez)