The Front Page (1974ko filma)
The Front Page (euskaraz Azal Nagusia) 1974ko Billy Wilder estatubatuar zinema zuzendariaren filma bat da. 1928ko Ben Hecht eta Charles MacArthur idazleen The Front Page antzezlanean oinarritua dago, aurretik, 1931an Lewis Milestone zuzendariaren The Front Page eta 1940ko Howard Hawks zuzendariaren His Girl Friday filmen bertsioak ere burutu zirelarik.
Argumentua
Earl Williams (Austin Pendleton) poliziak hilketa leporatu eta heriotz zigorra gauzatzeko egun bakar bat falta zaion espetzeko preso bat da. Une berean, Hildy Johnson (Jack Lemmon), Chicago Examiner egunkariko kazetaria Peggy Grant (Susan Sarandon) pianojole gaztearekin ezkontzeko zorian da. Bikoteak Philadelphiara bizitzera joateko asmoa du, baina Chicago Examiner egunkariko Walter Burns zuzendaria (Walter Matthau) ez dago asmo horrekin bat, bere kazetari onena egunkarian gelditzea nahi baitu, hortaz Hildy eta Peggy banatzen saiatuko da. Burnsek Hildyk Williams presoaren urkatzeari buruzko erreportaia egin dezan nahiko du, baina Hildyk uko eginen dio. Osasun azterketan Earl presoak espetxetik ihes egitea lortu eta halabeharrez Hildyrekin kazetarien gelan topatuko da. Hildyk esku artean albistearen esklusiba bat duela ikusiz, Earl presoari elkarrizketa baten truk "laguntzeko" prest agertuko da.
Aktorek
- Jack Lemmon: Hildebrand "Hildy" Johnson
- Walter Matthau: Walter Burns
- Susan Sarandon: Peggy Grant
- Vincent Gardenia: "Pete Zintzoa" Hartman
- David Wayne: Roy Bensinger, Tribune egunkariko kazetaria
- Allen Garfield: Kruger
- Austin Pendleton: Earl Williams
- Carol Burnett: Molly Malloy
- Charles Durning: Murphy
- Herb Edelman: Schwartz
- Martin Gabel: Max J. Eggelhofer doktorea
- Harold Gould: Alkatea/Herbie/Green Hornet
- John Furlong: Duffy
- Jon Korkes: Rudy Keppler
- Cliff Osmond: Jacobi ofiziala
Kanpo loturak
- The front page filma ikusgai (Ingelesez)
- The front page filmaren IMDBko fitxa irakurgai (Ingelesez)