The Terminal
The Terminal (euskaraz Terminala) 2004ko Steven Spielberg estatubatuar zinema zuzendariak zuzendutako amodiozko drama-komedia filma bat da. Tom Hanks, Catherine Zeta-Jones, Stanley Tucci, Chi McBride eta Diego Luna aktoreek antzeztu zuten.
Filma New York hiriko John F. Kennedy nazioarteko aireportuan girotua egon arren, istorioa hein batean Paris hiriko Paris-Charles de Gaulle aireportuan 1. Terminalean 18 urtez (1988-2006) bizi izan zen Mehran Karimi Nasseri iraniarraren bizipenan oinarritua dago.
Argumentua
Viktor Navorski (Tom Hanks) ez da gainontzeko turistak bezalakoa. Estatu Batuetan sartzera doan unean, bere jaioterria den Krakozian ezusteko estatu kolpe bat jazo eta bertako gobernua irauliko du, hortaz, AEBetan blokeaturik geldituko da, z zeru eta ez lur, nora joan ezinik. Etxegabe gisa, JFK aireportuko terminal batean bizitzen jarriko da, bizirauteko lantxoak eginez.
Aktoreak
- Tom Hanks: Viktor Navorski, JFK aireportuko terminal batean bizi den krakozhiar etorkina
- Catherine Zeta-Jones: Amelia Warren, hegaldi azafata
- Stanley Tucci: Frank Dixon, JFK aireportuko Bidaiarien eta Babes Eremu Saileko zuzendaria
- Chi McBride: Joe Mulroy, JFK aireportuko zamalaria eta Viktorren laguna
- Diego Luna: Enrique Cruz, JFK aireportuko janari zerbitzuko langilea eta Viktorren laguna
- Barry Shabaka Henley: Thurman, Dixonen laguntzailea
- Kumar Pallana: Gupta Rajan, JFK aireportuko garbiketa langilea eta Viktorren laguna, inmigraziokoek hura atxilotu eta Indiara itzul ez dezaten AEBetan ezkutatzen lagunduko dio
- Zoë Saldana: Dolores Torres, inmigrazio arduraduna eta Star Trek zalea, Viktorren bidez Enriquez maiteminduko da
- Eddie Jones: Richard Salchak, Dixonen nagusia
- Jude Ciccolella: Karl Iverson, Viktorren eraikuntz lanetako arduradun edo nagusia
- Corey Reynolds: Waylin, segurtasun ofiziala
- Guillermo Diaz: Bobby Alima
- Rini Bell: Nadia
- Stephen Mendel: Lehen mailako zaindaria
- Valery Nikolaev: Milodragovich
- Michael Nouri: Max, Ameliaren ezkondutako mutilaguna
- Benny Golson: Bere burua antzeztuz
- Scott Adsit: Taxi gidaria
Kanpo loturak
- The Terminal filmaren iragarkia ikusgai. Youtube.com (Ingelesez)
- The Terminal filmaren IMDBko fitxa irakurgai (Ingelesez)