The Thing (1982ko filma)
The Thing (euskaraz Gauza) 1982ko John Carpenter estatubatuar zinema zuzendariaren beldurrezko filma bat da. John W. Campbell idazlearen Who Goes There? ("Nor Dabil Hor?") eleberrian oinarritua dago. Kurt Russell, Wilford Brimley, Keith David, T.K. Carter eta Donald Moffat aktoreek antzeztu zuten.
1987ko Prince of Darkness eta 1995eko In the Mouth of Madness filmeekin batera Apokalipsiaren Trilogia deritzona osatzen du, hiru filmak ere Carpenterrek zuzenduak izan zirelarik.
Argumentua
Edozein izaki, bai animali nahiz gizaki izan, imitatu dezakeen estralurtar izaki izugarri bat Antartikan dagoen AEBtako Zientzia Institutu Nazionalaren 4. Estazioan infiltratu da. Estazioan dagoen taldeko kideek heuren gainontzeko taldekideak gizakiak diren ala ez jakiteko gai ez direnez, berehala haien arteko mesfidantza eta giro txarrako piztuko da, estralurtar izakiak giro txar horretaz taldekideak banan-bana hiltzeko baliatuko da. Gerora, oraindik bizirik dirauten kideak izaki odolzale hori Antartikako ingurune isolatutik atera eta zibilizariora iritsi ezkero ordu gutxiren barruan Lurreko izaki bizi guztien amaiera suposatuko lukeela, hortaz orain izaki hori hiltzeko borroka jada ez da haien bizia salbatzeko bakarrik izango, baita gizateri guztia salbatzeko ere.
Aktoreak
| Aktorea | Pertsonaia |
|---|---|
| Kurt Russell | R.J. MacReady |
| Wilford Brimley | Blair doktorea |
| T.K. Carter | Nauls |
| David Clennon | Palmer |
| Keith David | Childs |
| Richard Dysart | Copper doktorea |
| Charles Hallahan | Vance Norris |
| Peter Maloney | George Bennings |
| Richard Masur | Clark |
| Donald Moffat | Garry |
| Joel Polis | Fuchs |
| Thomas Waites | Windows |
Kanpo loturak
- The Thing filmaren IMDBko fitxa irakurgai (Ingelesez)
- The Thing filmaren trailer edo iragarkia ikusgai (Ingelesez)