The World in His Arms
The World in His Arms (euskaraz Mundua Bere Eskuetan) 1952ko Raoul Walsh estatubatuar zinema zuzendariaren abenturazko filma bat da. Rex Beach idazlearen izenburu berdineko eleberrian oinarritua dago. Gregory Peck, Ann Blyth eta Anthony Quinn aktoreek antzeztu zuten.
Argumentua
1850. urtea. Jonathan Clark (Gregory Peck) kapitain kementsua, ezizenez Bostongo gizona, foka ehiztaria eta Salemgo Pilgrim edo Erromesa izeneko itssontziaren jabea da. Alaska errusiarrei erosteko asmoa ausarta du, horretarako San Frantziskoko bankari batzuekin tratua egingo du. Behin, Alaskara iritsita bere egitasmoa burutzen saiatzen ari dela, Marina Selanova (Ann Blyth) errusiar kondesaren agerpenak gauzak aldatuko ditu, Jonathanek Marina neskame arrunt bat delako ustez hartaz maiteminduko delarik.
Aktoreak
- Gregory Peck: Jonathan Clark kapitaina, Bostongo gizona
- Ann Blyth: Marina Selanova kondesa
- Anthony Quinn: "Portugee" edo Portugaldarra
- John McIntire: Deacon Greathouse, Jonathanen eskuineko eskua edo bigarrena agintean
- Carl Esmond: Semyon printzea
- Sig Ruman: Ivan Vorashilov jenerala
- Andrea King: Mamie
- Eugenie Leontovich: Anna Selanova
- Bill Radovitch: Ogeechuk, Jonathanen eskifaioako eskimala
- Rhys Williams: Eben Cleggett
- Bryan Forbes: William Cleggett
- Hans Conried: Eustace, hoteleko harrerako gizona