Thomas Moore
Thomas Moore (Dublin, Irlanda, 1779ko maiatzaren 28a - Sloperton Cottage, Bromham, Wiltshire, Ingalaterra, 1852ko otsailaren 25a) ingelesez idatzi zuen irlandar olerkaria izan zen. Zuzenbide ikasketak egin zituen Londresen, eta han, arrakasta handia izan zuen aristokraten artean bere olerki erromantikoei esker. Ingalaterrako gobernuaren ordezkari izan zen Bermuda uharteetan, eta ondoren Ipar Amerikan, Italian eta Parisen bizi izan zen, berriro ere Britainia Handira itzuli aurretik.
Idatzi zituen lanen artean hauek ditu aipagarrienak: Irish Melodies (1808-1834, Irlandar doinuak), olerki abertzaleak; Lalla Rookh (1817), ekialdeko giroan oinarritutakoa; The Letters and Journals of Lord Byron (1820, Lord Byronen gutunak eta egunkariak), The Twopenny Postbag (1813) eta The Fudge Family in Paris (1818).
Erreferentziak
 |
Wikimedia Commonsen badira fitxategi gehiago, gai hau dutenak: Thomas Moore  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.