Tianjin

Wikipedia(e)tik

Hona jo: nabigazioa, Bilatu

Tianjin

Ofiziala

天津市 (Tiānjīn)

Administrazioa
Alkatea

udalerria
Dai Xianglong 戴相龙

Barruti kodea

Ordu eremua

UTC+8

Koordenatuak

39°07′N 117°11′E / 39.117, 117.183

Koordenatuak: 39°07′N 117°11′E / 39.117, 117.183

Eremua

11,920 km²

Biztanleria

10,240,000 (5,000,000 erdigunean) bizt

Dentsitatea

bizt/km²

www.tj.gov.cn

Tianjin (txinera sinplifikatuz: 天津, pinyineraz: Tiānjīn), Txinako hiririk handienetako bat da. 2004ko erroldaren arabera, udalerriak 10 milioi biztanletik zituen, eta horietatik erdia, bost milioi biztanle inguru, Tianjin udalerriaren hirigunean bizi ziren.

[aldatu] Inguru naturala eta kokapena

Haihe ibaiaren ikuspegia.

Tianjin udalerriaren hirigunea Hai He ibaiaren ondoan dago, Tianjingo Ubide Nagusiaren bidez Yangtze eta Ibai Horia batzen dituen ibaia. Tianjingo portua, Bohai Golkoan dago, eta Txinako porturik garrantzitsuena da Shanghaiko portuaren atzetik. 1990ko hamarkadaren amaieran, Txinako gobernuak "udalerri" izendatu zuen Tianjin, Shanghai, Beijing eta Chongqingekin batera.

Hiriaren mugak honakoak dira: Hebei probintzia iparralde, hegoalde eta mendebaldean, eta Bohai Golkoa ekialdean. Hiria, Txinako hiriburu den Beijingetik ipar-mendebaldera dago.

[aldatu] Historia

Hiriaren sortze data jakina ezezaguna den arren, duela ehundaka urteetako hainbat aztarna aurkitu dira. Tianjinen garapena, Txinako Ubide Handiaren zabaltzearekin batera gauzatu zen. 1404. urtera arte, hiria "Zhigu" (直沽) izenaz zen ezaguna. Urte hartan, Yongle enperadorea izena aldatu eta hiriak gaur egungo izena hartu zuen.

Gaur egun Tianjin, Txinako Herri Errepublikako portu garrantzitsua da.

[aldatu] Banaketa administratiboa

Sakontzeko, irakurri: Tianjinen banaketa administratiboa

Heping Barrutiaren ikuspegia.

Ekialdeko trenbide geltokia.

Tianjin hamabost barruti eta hiru konderrik osatzen dute. Hiriaren erdigunea sei barrutik osatzen dute:

Heping Barrutia (Txinera sinplifikatuz: 和平区; Pinyineraz: Hépíng Qū)
Hexi Barrutia (河西区 Héxī Qū)
Hebei Barrutia (河北区 Héběi Qū)
Nankai Barrutia (南开区 Nánkāi Qū)
Hedong Barrutia (河东区 Hédōng Qū)
Hongqiao Barrutia (红桥区 Hōngqiáo Qū)

Hirigunearen inguruan Binhaiko garapen gunea osatzen duten barrutiak honakoak dira:

Tanggu Barrutia (塘沽区 Tánggū Qū)
Hangu Barrutia (汉沽区 Hàngū Qū)
Dagang Barrutia (大港区 Dàgǎng Qū)

Eta azkenik, hirigunetik urrutiago honako barruti eta konderriak:

Jinnan Barrutia (津南区 Jīnnán Qū)
Dongli Barrutia (东丽区 Dōnglì Qū)
Xiqing Barrutia (西青区 Xīqīng Qū)
Beichen Barrutia (北辰区 Běichén Qū)
Baodi Barrutia (宝坻区 Bǎodǐ Qū) — Baodi Konderria 2001. urtearen aurretik
Wuqing Barrutia (武清区 Wǔqīng Qū) — Wuqing Konderria 2000. urtearen aurretik
Ji Konderria (蓟县 Jì Xiàn)
Jinghai Konderria (静海县 Jìnghǎi Xiàn)
Ninghe Konderria (宁河县 Nínghé Xiàn)

[aldatu] Demografia eta biztanleria

2007. urtearen amaierako erroldaren arabera, Tianjingo udalerriko biztanleria 11,15 milioikoa zen. Horietatik 9,59 milioi, denbora jarraiko hiritarrak. Udalerriko biztanleriaren %60a hirigunean bizi da, eta gainontzeko %40a, hiriaren inguruko nekazal guneetan.

Azken erroldaren arabera, bizilagun gehienak Han etniakoak dira (%97,29), gainontzeko etnietatik ugariena, Hui etnia da, biztanleariaren %1,75arekin.

[aldatu] Azpiegitura eta garraioak

[aldatu] Metroa

Sakontzeko, irakurri: Tianjingo metroa

Tianjingo metroak linea bakarra dauka gaur egun, eta Txinako hiri nagusi guztietan bezala, metro sarea luzatzeko egitasmo asko daude. Tianjingo gobernuak bederatzi linea eraikiko ditu hurrengo urteetan.

[aldatu] Aireportua

Tianjin Binhai Nazioarteko Aireportua, hirigunearen ekialdean dago, Dongli Barrutian.

Kokapena	NAZE	NAGE	Aireportuaren izena
TIANJIN
Tianjin	ZBTJ	TSN	Tianjin Binhai Nazioarteko Aireportua

[aldatu] Portua

Sakontzeko, irakurri: Tianjingo portua

Tianjingo portua Txinako garrantzitsuenen artean dago, Beijing hiriarekiko hurbil egoteari esker, portua Txina ipar-ekialdeko azpiegiturarik nagusiena bihurtu da eta urtean 300 milioi tona zama baino gehiago garraiatzen da bertatik.

[aldatu] Argazkiak

Hai He Parkea （海河公园）	Hai He Parkea （官银号）	Hai He （海河）	Kong Gang Wu Liu （空港物流）
Tianjingo Estadio Olinpikoa （水滴）	Dong Li （东丽）	Wu Da Dao （五大道）	Barruti italiarra （意式区）

[aldatu] Hiri senidetuak

[aldatu] Ikus, gainera

Txinako udaltasunak

[aldatu] Kanpo loturak

(Ingelesez) Udalaren webgunea txineraz.
(Txineraz) Udalaren webgunea ingelesez.

Artikulu hau Txinako geografiari buruzko zirriborroa da. Wikipedia lagun dezakezu edukia osatuz.

Txinako Herri Errepublikako banaketa administratiboa
Txinako probintziak:	Anhui \| Fujian \| Gansu \| Guangdong \| Guizhou \| Hainan \| Hebei \| Heilongjiang \| Henan \| Hubei \| Hunan \| Jiangsu \| Jiangxi \| Jilin \| Liaoning \| Qinghai \| Shaanxi \| Shandong \| Shanxi \| Sichuan \| Taiwan (eskatua) \| Yunnan \| Zhejiang
Lurralde autonomoak:	Guangxi \| Barne Mongolia \| Ningxia \| Tibet \| Xinjiang
Txinako udaltasunak:	Beijing \| Chongqing \| Shanghai \| Tianjin
Lurralde bereziak:	Hong Kong \| Macau
Lurralde bereziak:	Ikus gainera: Taiwanen egoera politikoa