Tigre ibaia (Marañón)

Wikipedia(e)tik
Hona jo: nabigazioa, Bilatu
Tigre
Tigre (es)
Kokapena Oihan amazonikoa (Hego Amerika)
Luzera 600 km
Iturburua Cunambo ibaia eta Pintoyacu ibaiaren arteko elkargunean
Ibai ahoa Amazonas

Tigre ibaia Peruko ibai bat da, Marañón ibaiaren ibaiadar bat, Loreto departamenduaren amazoniar lurraldea zeharkatzen duena. 600 kilometro inguruko luzera du eta bere ahotik 200 kilometrotan zehar da nabigagarria.

Tigre ibaia Peruko Amazoniako lautadan dago, Amazonas ibaiaren ezkerraldeko ibarrean, Marañón ibaia eta Napo ibaiaren artean. Cunambo eta Pintoyacu ekuatoriar ibaien elkargunean jaiotzen da, Ekuador eta Peruren arteko mugan, Puerto Cunambon. Bere ahoa Ucayali ibaia Amazonasekin elkartzen den tokitik 65 kilometro mendebaldera dago. Tigre ibaiagandik mendebaldera jarraituta Parinari ibaia, Chambira ibaia eta Nucuray ibaia daude, hirurak behe lurretako ibai laburrak, Nanay ibaiaren antzeko erregimena dutenak.

Bere ibaiadarrik garrantzitsuenak Tangarana ibaia ezkerretik eta Corrientes ibaia (Tigre) (448 kilometroko luzera duena) eskuinetik dira. Bere ibarretan ia ez dago inongo asentamendurik, jada aipaturiko Puerto Cunambo izan ezik ibaiaren hasieran, eta Puesto Avanzado Gonzalez Suárez, Leoncio Prado, Pucaurco (Tangarana ibaiaren itsasoratzean) eta Intutu.