Tigroi

Wikipedia(e)tik
Hona jo: nabigazioa, Bilatu
Wikipedia:Taxotaula bat irakurtzeko eraTaxotaula bat irakurtzeko era
Tigroia
Tigroia
Tigroia


Sailkapen zientifikoa
Erreinua: Animalia
Filuma: Chordata
Klasea: Mammalia
Ordena: Carnivora
Familia: Felidae
Generoa: Panthera
Espeziea: Panthera tigris x leo

Tigroia tigre ar eta lehoi eme baten arteko hibridoa, gatibutasunean hezia. Tigroia baino askoz ohikoagoa da alderantzizko hibridoa, ligreak izenekoa, lehoi ar baten eta tigre eme baten arteko emaitza. Ez da gertaerraza naturan tigroiak sortzea, tigreak eta lehoiak ez baitira habitat berean bizi, Indiako Gir basoan izan ezik.

Tigroiak bi gurasoen ezaugarriak ditu: lehoi itxurakoa, tigreen marrekin. Bere guraso-espezieak baino askoz gutxiago hazten da, bere bi gurasoen gen inhibitzaileak heredatzen dituelako. Helduaroan, 150 kilogramo pisatzera iristen da, gutxi gorabehera.

Hanka eta isats luzeak dituenez, ez du beste katukiek bezain irudi ikaragarria izaten. Horregatik, ligrea baino askoz urriagoak dira tigroiak, jendearen arreta erakartzeko aproposagoak direnez ligreak estimatuagoak baitira zirkuetarako eta —neurri txikiagoan— zoologikoetarako.

Eskuarki tigroiak antzuak izaten dira. Hala ere, Shambala erreserba naturalean Noelle izeneko tigroi eme bat tigre batekin ugaldu zen, eta tigre-tigroi bat sortu. Ez da ar ugalkor bakar bat ere ezagutzen.

Ikus, gainera[aldatu | aldatu iturburu kodea]

Commons-logo.svg
Commonsen fitxategi gehiago dago honi buruz:
Tigroi