Time (Pink Floyd)

Time (Pink Floyd)
Pink Floyden musika-lana
Egilea(k)	Pink Floyd
Sorrera-urtea	1972
Argitaratze-data	1973
Izenburua	Time
Ezaugarriak
Genero artistikoa	herri-musika
Hizkuntza	ingelesa
Tonoa	Fa diese minor
Deskribapena
Honen parte da	The Dark Side of the Moon
Ekoizpena
Ekoizlea	baliorik ez
Hitzak	Roger Waters, Nick Mason, David Gilmour eta Richard Wright
Bestelako lanak
Musikagilea	David Gilmour Roger Waters Nick Mason Richard Wright

Time (euskaraz, Denbora) 1973an Pink Floyd britainiar musika taldeak The Dark Side of the Moon diskoaren barnean kaleratutako abesti bat da. Piezak 5:35 minutuko iraupena du (3:3 minutu single bertsioan) eta taldeko lau partaidek konpondu zuten (David Gilmour, Richard Wright, Nick Mason eta Roger Waters), hitzak Roger Waters-enak izanik.

Egitura musikala

Time erloju, kanpai-hotsak eta alarmen soinuarekin hasten da, Alan Parsons soinu-ingeniariak modu estereofonikoan ondo erregistratzen duena. Gaiaren lehenengo zatian Nick Masonen perkusioa nagusitzen da, gitarra elektrikoaz eta bibrafonoaren hotsaz lagunduta. Gero, David Gilmourrek eta Richard Wrightek gaiaren lehenengo hitzak abesten dituzte, emakume koru batez, bigarren planoan, lagunduta.

Hitzen ostean erritmoa guztiz aldatzen da, eta David Gilmourren gitarrak protagonismo osoa hartzen du. Giro oniriko batean Gilmour-ek gitarra-solo bikaina lantzen du, oihartzun elektronikoen artean. Guitar World aldizkariak gitarra-solo hori musika historiako 21. hoberena aukeratu zuen.

Ahotsak eta korua itzultzen dira jarraian eta gaiaren bigarren hitz multzoa abesten dute. Erritmoa moteldu egiten da eta lotura egiten du diskoaren hurrengo gaiarekin (Breathe-Reprise)

Mezua

Roger Waters-en hitzek denborari buruz eta bizitzaren zentzuari buruz jarduten dute. Egileak berak aldizkari bati aitortu zioenez, garai hartan itsututa zegoen patuaren kontrolaz eta denboraren misterioaz. Kezka hori biziki ongi islatzen da gaiaren hitzetan.

Abesti honek arrakasta handia lortu zuen ere kaleratutako single batean (1973an). Urte luzeetan zuzeneko kontzertuetan Pink Floyd-ek bere errepertorioan aukeratu ohi zuen.

Kanpo estekak

• Time abestia entzungai (Ingelesez)

• Datuak: Q641913