Tirotropina

Wikipedia(e)tik
Hona jo: nabigazioa, Bilatu

Tirotropina, TSH edo tiroidearen hormona estimulatzailea hipofisiak (adenohipofisiak, zehazki) jariatzen duen hormona peptidikoa da. Hormona tropikoa da, hots, beste guruin baten jariaketa aktibatzen du.

Tirotropinak guruin tiroidearen gainean jarduten du. Tiroidea estimulatzen du tiroxina eta tri-iodotironina aska ditzan.

Era berean, hipotalamoak tirotropinaren mailak erregulatzen ditu jariatzen duen beste hormona baten bidez: TRH edo tirotropinaren hormona askatzailea.

Hipertiroidismo zein hipotiroidismoa antzemateko TSHaren odol-mailak aztertu ohi dira gaixoen odolean. Hormona honen maila normalak 0,4 eta 4 mIU/mL artean daude.