Tolosaldea

Wikipedia(e)tik

Tolosaldea
Gipuzkoa

Azalera	331,4 km²
Biztanleria	45.495 (2005)
Dentsitatea	137,28 bizt / km²
Udalerriak	Abaltzisketa, Aduna, Albiztur, Alegia, Alkiza, Altzo, Villabona-Amasa, Amezketa, Anoeta, Asteasu, Baliarrain, Bedaio, Belauntza, Berastegi, Berrobi, Bidegoian, Elduain, Gaztelu, Hernialde, Ibarra, Ikaztegieta, Irura, Larraul, Leaburu, Lizartza, Orendain, Orexa, Tolosa, Zizurkil
Herririk handiena	Tolosa (17.830)
www.tolosaldea.net

Tolosaldea Gipuzkoako ekialdean dagoen eskualdea da. 332 km²-ko azalera du. Lurralde historikoan jende gutxien duen eskualdea da (45.000 biztanle inguru). Baina, aldiz, udalerri gehien dituena ere bai, 29rekin.

Eskualdea Beterri izenez ere ezagutzen zen, hegoaldean aurkitzen den Goierriren aurkakoa izanik; baina izen hau gutxi erabiltzen da gaur egun.

Eskualdeko udalerri garrantzitsuena Tolosa da, eta hortik datorkio izena. Historikoki beti hala izan da, eta gainera iraganean Tolosaldeko udalerri guztiak Tolosaren zati izan ziren, pixkanaka banantzen joan ziren arte.

[aldatu] Mugakideak

Mugakide hauek ditu: ekialdean Nafarroa, iparraldean Donostialdea, hegoaldean Goierri eta mendebaldean Urola Kosta. Oria ibaiak zeharkatzen du eskualde gehiena.

[aldatu] Udalerriak

Oria ibaiaren haranean iparraldetik hegoaldera joanez aurki daitezke eskualdeko biztanle-gunerik handienak, hau da, Aduna, Villabona, Zizurkil, Irura, Anoeta, Tolosa, Ibarra, Alegia, Ikaztegieta eta Legorreta. Etxeak eta industria-poligonoak ia jarraiak dira Tolosa eta Andoain artean (azken herri hau Tolosaldearen iparraldean dago, ia Donostialdean).

Gainerako udalerriak Oria ibaira isurtzen diren erreken hegietako haranetan kokatzen dira, esaterako Aiztondokoa, Araxesekoa, Berastegikoa edo Amezketakoa; edota Oriaren beraren ondoko haranetan. Udalerri hauek txikiagoak dira orokorrean.

Izena	Bizt.
Abaltzisketa	283
Aduna	332
Albiztur	288
Alegia	1.610
Alkiza	266
Altzo	316
Villabona-Amasa	5.584
Amezketa	988
Anoeta	1.723
Asteasu	1.296
Baliarrain	100
Bedaio	224
Belauntza	294
Berastegi	1003
Berrobi	574
Bidegoian	428
Elduain	214
Gaztelu	147
Hernialde	287
Ibarra	4.326
Ikaztegieta	380
Irura	950
Larraul	150
Leaburu	368
Lizartza	590
Orendain	145
Orexa	81
Tolosa	18.015
Zizurkil	2.900

[aldatu] Ekonomia

Tolosaldeko sektore ekonomiko garrantzitsuena industriarena da. Papergintza industriak tradizio handia du bertan. Tolosan daude inguruko zerbitzu gehienak eta merkataritza garrantzitsuena; nahiz eta komunikabide onei esker Donostia hiriburua ere hurbil geratzen den.

[aldatu] Tolosaldear ezagunak

[aldatu] Ikus, gainera

Gipuzkoako eskualdeak

[aldatu] Kanpo loturak

	Gipuzkoako eskualdeak
Bidasoaldea • Debabarrena • Debagoiena • Donostialdea • Goierri • Oarsoaldea • Tolosaldea • Urola Erdia • Urola Garaia • Urola Kosta