Tomas Kaietano

Wikipedia(e)tik
Hona jo: nabigazioa, Bilatu
Kaietano Luteroren aurrean.

Tomas Kaietano (italieraz: Gaetano; Gaeta, 1468 - Erroma, 1534) italiar teologoa izan zen, eskola tomistako teologorik handienetakoa. Domingotarren ordenako fraidea izan zen. Bolonian eta Paduan egin zituen teologia-ikasketak. Metafisikako irakasle izan zen. Dominikarren ordenako nagusi zela (1508-1518) Girolamo Savonarolaren ideien ikerketa egin zuen; 1511-1517 bitartean Aita Santuaren aginpidearen aldezle izan zen, Pisako kontzilioaren kontra, eta Laterango bosgarren Kontzilioan Elizaren erreforma bultzatu zuen. Aita Santuaren ordezkari gisa Luteroren aztertzaile izan zen Augsburgon (1518). Haren obra nagusiak: Summa Theologica, Salmuen iruzkinak, eta Testamentu Berriaren eta Zaharraren hainbat iruzkin.


Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Tomas Kaietano Aldatu lotura Wikidatan