Topagunea Euskara Elkarteen Federazioa

Artikulu hau Euskara Elkarteen Federazioari buruzkoa da; Gazte Topagunea gaitzat duena beste hau da: Gazte Topagunea

Topagunea Euskara Elkarteen Federazioa Hego Euskal Herriko 96 euskara elkarte eta euskarazko 42 tokiko hedabide biltzen dituen federazioa da. 2001etik 2012ra bitartean Abadiñoko Muntsaratz auzoan izan du egoitza nagusia, baina 2012aren amaieran, Abadiñoko alkatearen dekretuz, Muntsaratzeko egoitza utzi eta Durangoko Landako Elkartegian kokatu du bulego nagusia.

Federazioa 1996. urtean eratu zen, prozesu luze baten ondoren. Irabazi-asmorik gabeko elkartea da, eta bere jarduera esparrua euskara elkarteek eurek mugatzen dute. Elkarteen barne-egiturari jarraituz, urtean 300dik gora ekitaldi antolatzen ditu eta federatutako kideen aholkulari moduan ere badihardu.

Euskaldun kopuru eta euskararen erabileraren arteko jauziak eragiten du Topagunearen eginkizuna. Horregatik, Federazioak euskararen erabilera zenbait esparrutan areagotzearen alde lan egiten du.

Federaziotik mugimendura

2010z geroztik Topagunea eta osatzen duten euskara elkarteak eraldaketa prozesu sakon batean murgilduta daude. Euskalgintzak eta gizarte mugimenduak oro har bizi duen krisialdiak kezkatuta, Topaguneak federaziotik mugimendura igarotzeko prozesua abiatu du, eta haren baitan bi kongresu gauzatu ditu dagoeneko.

Lehen kongresua: Oinarriparrak

Topagunearen lehen kongresuak Oinarriparrak onartu zituen 2011ko otsailaren 26an

Lehen kongresua 2011ko otsailaren 26an gauzatu zuen Topaguneak, barne gogoeta eta eztabaida prozesu luze baten ostean eta han Oinarriparrak izeneko dokumentua onartu zuen. Dokumentu horretan, XXI. mendeko euskaldunon elkarteen oinarri filosofikoak, edo oinarriparrak agertzen dira. Besteak beste, kale presentzia eta gizarte-mugimendu izaera berreskuratzearen garrantziaz dihardute oinarripar horiek.

Bigarren kongresua: Eraldabideak

Mikel Irizar Topagunearen bigarren kongresuan

Bigarren kongresua 2012ko azaroaren 17an egin zuten euskara elkarteek eta Topaguneak, Bilbon. Behin oinarripar teorikoak adostuta, eraldabideak onartzea zen kongresu horren helburua. Oinarriparrak praktikara eramateko irizpide zehatzak, hain zuzen ere. Lehenengoa bezalaxe, bigarren kongresua ere gogoeta prozesu luze baten amaiera izan zen, eta bertan finkatu ziren euskara elkarteen mugimenduaren datozen urteetarako gidalerro nagusiak.

Bi ideia nagusi hedatu ziren bigarren kongresuan: batetik euskalgintzan 30 urteko ziklo bat amaitu eta berri bati ekiteko beharra eta gogoa, eta bestetik, lehenengoan bezala, gizarte mugimendu izaera indartzeko behar gorria.

Topagunearen lan-arloak

• Mintzapraktika egitasmoak: berbalagun, mintzalagun, mintzakide, ...

• Kultura: kultur errota, film laburrak, udagoieneko ostera, ...

• Entitateak euskaldundu: hitzarmengintza.

• Haur eta gazteak: gazte kultur zirkuituak, ikusi eta ikasi, harrapazank, graffiti lehiaketa, gazte sortzaileak...

• Hedabideak: orainkariak, herri aldizkariak, herri telebistak...

Zenbait Euskara Elkarte

ARABAN

Arabako zenbait Euskara Elkarte (9)

Esaterako:

• Gasteizen, Geu Gasteiz Euskalduna Elkartea.

BIZKAIAN

Bizkaiko zenbait Euskara Elkarte (37)

Esaterako:

• Basaurin Euskarabila elkartea. Egoitza, (Leon kalea 3, Basauri).
• Bilbon Asapala Euskara Elkartea.
• Deustun Berbaizu Euskara Elkartea.
• Durangon Berbaro Elkartea.
• Ean, Zakili elkartea.
• Egizu Getxo euskaldun.
• Igorre Ganoraz euskara elkartea.
• Iurreta Anboto euskara elkartea.
• Larrabetzu Arrekikili euskara elkartea.
• Leioan Berbalamiñe euskara elkartea.

GIPUZKOAN

Gipuzkoako zenbait Euskara Elkarte (33)

Esaterako:

• Arrasaten AED; Arrasate Euskaldun Dezagun
• Donostian Bagera Euskaltzaleen Elkartea
• Eibarren Etakitto Euskara Elkartea

NAFARROAN

Nafarroako zenbait Euskara Elkarte (16)

Euskal Herritik kanpo

• Bartzelonako Euskal Etxean.

Tokiko hedabideak

Euskal Herriko zenbait tokiko hedabide (18)

Goiko zerrenda horrek ez ditu, jakina, tokiko hedabide guztiak batzen. Badaude beste hainbat blog, irrati, aldizkari, etab.

Irrati-kateak, esaterako:

• Arraio Zarautzeko Irrati librea
• Irulegiko Irratia
• Itxungi Arrasateko Irrati librea
• Xiberoko Botza
• Zintzilik Oreretako Irrati librea

Euskal Herriko irratien mapa bat

Ikus, gainera

• Kultur kabia
• Euskarazko aldizkarien zerrenda
• Euskarazko irrati-kateen zerrenda

Kanpo loturak

• (Euskaraz) Topagunearen ataria
• (Euskaraz) Euskara elkarteen zerrenda, Topagune.org atarian
• (Euskaraz) "Tokikom, herri informazio guztia batean"
• (Euskaraz) (Gaztelaniaz) (Ingelesez) (Frantsesez) Kultur Kabia Zerbitzuak
• (Euskaraz) Mintzapraktika
• (Euskaraz) Gazteen euskararen erabileraz gogoeta Topaguneak, Soziolinguistika Klusterrak eta Urtxintxak "Argia" astekarian (2008-09-14)
• (Euskaraz) Kameratoia, Euskal Herriko Ikus-entzunezko Rallya