Tora! Tora! Tora!
Tora! Tora! Tora! (japonieraz トラ・トラ・トラ) 1970eko Richard Fleischer estatubatuar zinema zuzendariaren gerra filma bat da. Gordon W. Prange idazlearen Tora! Tora! Tora! eta Ladislas Farago idazlearen The Broken Seal eleberrietan oinarritua dago eta Pearl Harboreko erasoa azaltzen du. Bertan, Martin Balsam, Joseph Cotten, Sō Yamamura, Tatsuya Mihashi, E. G. Marshall, James Whitmore eta Jason Robards aktoreek antzeztu zuten.
Tora! hitzak literalki "Tigre!" esan nahi du, baina kasu honetan totsugeki raigeki ("erasoaldi azkarra") hitzen laburdura da.
Filma honek 5 Oscar Sarietarako izendapenak jaso zituen, azkenean Efektu berezi onenen Oscar Saria (L.B. Abbott eta A.D. Flowers).
Argumentua
Bigarren Mundu Gerra. 1941eko abendua. Filma honek AEBak gerra horretan sartzera bultzatuarazi zuen Pearl Harboureko erasoaren kontakizuna burutzen du. "Tora! Tora! Tora!" delakoa japoniar erasoaldia hasteko seinalea izan zelarik.
Aktoreak
- Martin Balsam: Husband E. Kimmel almirantea, AEBtako Ozeano Bareko itsas armadako komandante nagusia.
- Soh Yamamura: Isoroku Yamamoto almirantea, japoniar itsas armadako komandante nagusia.
- Joseph Cotten: Henry Stimson, AEBtako gerra ministroa.
- Tatsuya Mihashi: Minoru Genda komandantea.
- Takahiro Tamura: Mitsuo Fuchida teniente komandantea.
- E.G. Marshall: Rufus Bratton kolonela, AEBtako Armadaren espioitza zerbitzuko burua.
- James Whitmore: William F. Halsey, almirante ordea.
- Eijiro Tono: Chuichi Nagumo, almirante ordea.
- Jason Robards: Walter Short teniente jenerala, AEBtako Armadako komandante jenerala
- Neville Brand: bere erradar postutik etengabe berehalako japoniar erasoaren berri eman eta hura gertatzean ere ofiziala jotzen duen sarjentua.