Traineruen Euskal Liga

Traineruen Euskal Liga
Sorrera	1995
Partehartzaileak	Euskal Herria, Kantabria eta Asturiasko traineruak
Garaipen gehien	Orio (3)
Azken ekitaldia	2002
Irabazlea(k)	Castro Urdiales

Traineruen Euskal Liga gaur egun jokatzen den TKE Ligaren aintzindaria izan zen. Gipuzkoa, Bizkaia eta Kantabriako elkarteek hartu zuten parte. 1994ean Asturiasko Castropolek eta 2000 eta 2002 artean Lapurdiko Ur Jokok ere jokatu zuten Liga.

Bilakaera

1993an erabaki zen Liga handi bat osatu beharra zegoela eta beraz urte hortako emaitzak 1994ko Traineruen Ligarako sailkatzeko erabili izan ziren. 1994an bost estropadatako liga osatu zen eta lau emaitza onenak hartu ziren kontutan sailkapena osatzeko.

Traineruen Euskal Liga izena 1995ean hasi zen erabiltzen, hau izan zen beraz lehenengo liga txapelketa ofiziala, eta zortzi edizio izan zituen, galiziarrek parte hartzeko posibilitatea ikusiz Liga sistema berria eratu behar izan zen arte, TKE Liga hain zuzen ere.

11 traineruk osatu izan zuten Euskal Liga, eta hamabigarrena estropada jokatuko zen etxeko traineruaren tokia izan ohi zen, eta etxekoa Ligako elkartea izatekotan traineru suplente batek hartzen zuen bere lekua. Bizkaitarrendako eta Gipuzkoarrendako hiruna leku gordetzen ziren. Hiru denboralditan Euskal B Liga bat ere eratu izan zen.

Azken bi ediziotan ez zen talde itxirik eratu eta guztiek hartu zuten parte Liga bakarrean. Hala ere denboraldi hasieran jokaturiko sailkapen probetan erabakitzen zen elkarte bakoitzak A kategoriako edo B kategoriako estropadak jokatuko zituzten, kategoria bakoitzak puntuazio desberdina baitzeukan.

Palmaresa

Urtea	Edizioa	Irabazlea	Pt.	Bigarrena	Pt.	Hirugarrena	Pt.	Patroi irabazlea/k
1993		San Pedro	7,84	Donibaneko Arr	6,55	Orio	6,28	Juan Carlos Fontan
1994		San Pedro	48	Donibaneko Arr.	44	Orio	38	Juan Carlos Fontan
1995	I	Donibaneko Arr.	45	San Pedro	44	Orio	40	Juan Mari Lujanbio
1996	II	Orio	70	San Pedro	68	Koxtape	57	Juan Mari Larrañaga "Txiki"
1997	III	Orio	47	Donibaneko Arr.	43	Koxtape	41	Juan Mari Larrañaga "Txiki"
1998	IV	Orio	59	San Pedro	56	Donibaneko Arr.	49	Juan Mari Larrañaga "Txiki"
1999	V	Koxtape	10,00	Orio	9,66	Castro Urdiales	9,25	Joseba Arbona
2000	VI	Koxtape	8,72	Astillero	8,66	Castro Urdiales	8,33	Joseba Arbona
2001	VII	Castro Urdiales	21,00	Orio	20,91	Koxtape	19,36	A. Zurinaga eta J.L. Korta
2002	VIII	Castro Urdiales	21,00	Koxtape	20,10	Urdaibai	19,73	Juan Mari Lujanbio

Garaipenak

Taldeak

Elkartea	Garaipenak	Urteak
Orio	3	1996, 1997, 1998
Koxtape	2	1999, 2000
Castro Urdiales	2	2001, 2002
Donibaneko Arraunlariak	1	1995

Patroiak

Patroiak	Garaipenak	Urteak
Juan Mari Larrañaga "Txiki"	3	1996, 1997, 1998
Joseba Arbona	2	1999, 2000
Juan Mari Lujanbio	2	1995, 2002
Asier Zurinaga	1	2001
Jose Luis Korta	1	2001

Euskal B Liga

1994, 1999 eta 2000 urteetan Euskal B Liga jokatu zuten Liga Nagusian sartzea lortu ez zuten elkarteek. Hona hemen emaitzak:

Urtea	Irabazlea	Bigarrena	Hirugarrena	Patroi irabazlea/k
1994	Raspas del Embarcadero	Hernani	Itxaspe (Koxtape B)	Oskar Mujika
1999	Hondarribia B	Zarautz	Santiagotarrak	Joseba Amunarriz
2000	Santurtzi	Santiagotarrak	Ur-Kirolak	Iker Agirresarobe

Ikus, gainera

• TKE Liga

Kanpo estekak

• Datuak: Q12268148