Transhumanismo

Wikipedia(e)tik
Hona jo: nabigazioa, Bilatu

Transhumanismoa gizakiaren gaitasun fisiko, intelektual eta psikikoak hobetzeko beharrezkotasuna aldarrikatzen duen mugimendu kultural eta intelektuala da, eugenesia eta teknologia berrien aplikazioaz baliatuz. Bere helburua gizadiarentzat ez beharrezkoak diren aspektuak ezabatzea da, eritasuna, sufrimendua, zahartzapena eta heriotza adibidez. Transhumanismoaren helburua espezie transhumanista batera ailegatzea da, ahalmen fisiko, psikiko eta intelektual handiagoekin, eta geroago, posthumanista batera, gizatiar ez den izango izaki bat, baizik eta haren gaineko.

Transhumanismoa hurrengo teknologien bidez burutuko da: Ingeniaritza genetikoa, Eugenesia enbrionarioa eta Nanoteknologia eta Bioteknologia garunera aplikatuta, hau da, gizakiaren gaitasun kognitibo eta sentsorialak indartuz.

Historia eta egile transhumanistak[aldatu | aldatu iturburu kodea]

Nick Bostrom konferentzia betean transhumanismoari buruz hitz egiten.

Transhumanismoak, haren azaltzaile garrantzutsuenetariko bat,Nick Bostrom,elkarte transhumanista mundialaren presidenteak, baieztatu duen bezala, bere jatorria pentsaera klasiko eta modernoan aurkitzen du, gizakiarentzat gaitasun berriak teknika eta zientziaren bidez eskuratzeko etengabeko gogoan. Transhumanismoak iraultza zientifikoan eta aro modernoko enpirismo anglosaxoiaren garapenean aurkitzen du bere ikuspena oinarritzen duten ardatzak: Konfiantza osoa zientzian eta gizakiaren ikuskera material hutsa. Beste modu batean esanda, gizakia makina bat da eta zientziaren bidez bere funtzionaltasuna eta eraginkortasuna handituko da.

Amerikako Estatu Batuetan eman zen lehenengo aldiz mentalitate hori eta mentalitate futurista deitu zitzaion, eta Drexler, Moravec, Peterson eta Ettinger idazle aipagarrienak izan ziren. Geroago, mentalitate transhumanista deitu zitzaion, eta Bostrom, Sandberg, More eta Hughes izan ziren mentalitate berri horren idazlerik aipagarrienak.

Arazo bioetikoak[aldatu | aldatu iturburu kodea]

Teoria transhumanistak ordena teorikoko eta ordena praktikoko galdera asko mahairatzen ditu, eta bere egileak ez dituzte oraindik galdera horiek erantzun. Lehendabizi, tesi transhumanistak postulatu ez frogatu batetik abiatzen da, gizakia bere konexio neuronaletara soilik mugatzen den izakia dela, hain zuzen. Fisikalismo neurobiologizista ez da oraindik bete-betean demostratu, eta, gero eta autore gehiago baieztatzen dute gizakiaren ez-erredukzionismo materialista.

Beste galdekizun sekundario garrantzitsu bat dago: Nork ziurtatzen du gero eta fisikoki eta psikikoki perfektuago banaiz, gero eta ahal izate gehiago baditut zoriontsuago izango naizela. Zer da zoriontasuna? Zer esan nahi du perfektuagoa izatea, eta nork finkatzen du? Galdera honen erantzuna ez da kontu materiala soil-soilik, baizik eta kontu moral eta ontologikoa. Perfektuago eta zoriontsuago izatea ez dago bakarrik kontu materialen menpean. Perfekzio fisikoa berdin zoriontasuna gizakiak askotan egiten duen berdintasuna da, baina ekuazio hori ez da beti erreala, eta batzuetan kontrako kasua eman ahal da. Gizakia benetan dena, eta gizakia benetan zoriontsu egiten duena, kalkulu material hutsetik haraindi dago.

Konklusioan, nahiz eta teorian transhumanismoak helburu on bat izatea, gizakiak duen bizitza hobetzea, zientziak, medikuntzak eta aurrerakuntzak beti izan duten helburua, helburu hori ezin da edozein bitartekarien bidez eskuratu. Teoria honen erdigunean gizakiaren duintasunaren eta beste baloreen galmena dago, hura naturan berezi egiten duten ezaugarriak, nahiz eta bere mugak izan. Gizatasuna ez onartzeak gizakiak etorkizun utopiko bat eratzea eragiten du, etorkizun material hutsa, giza bidetik kanpo eramango dituena gizakia, agian bere heriotzara.

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Transhumanismo Aldatu lotura Wikidatan