Trento

Trento
Trentino-Adige Garaia
Trento hiriko ikuspegia gaztelutik, atzekaldean Borondone mendia dagoelarik.
Trentoko armarria
Izen ofiziala	Trento
Estatua	Italia
Estatua Eskualdea Probintzia	Italia Trentino-Adige Garaia Trento
ISTAT kodea	022205
Alkatea	Alberto Pacher
Herritarra	trentotar
Koordenatuak	46°4′0″N 11°7′0″E
Trento
Eremua	157 km2
Posta kodea	38100, 38050, 38014, 38060, 38040
Biztanleria	110,142 bizt.
Dentsitatea	0,7 bizt./km²
Sorrera	K.a. I. mendea Tridentum erromatar kanpamendua
www.venezia.trento.it

Trento (italieraz Trento; alemanez Trient) Italia iparraldeko hiria da, Trentino-Adige Garaia eskualde autonomoko eta izen bereko probintziako hiriburua. Bolzano hiriaren hego-mendebalean, Adige ibaiaren ertzean, kokatzen da, mendiek inguratua. Merkataritza, turismoa eta industria (janari industria, ehungintza, zurgintza, makineria) dira ekonomia jarduera nagusiak.

Mundu osoan ezaguna da bertan Trentoko Kontzilioa (1545-1563) egin zelako, protestantismoari (luteranismoari) aurre egiteko Kontraerreforma hasi zuena, Trentoko Aginduak aldarrikatuz.

Ondarea

San Vigilio katedrala

Monumentu ugari ditu. Aipagarriak dira Teodorikoren garaiko harresiak, XIII. mendeko katedral erromaniko-lonbardiarra, Santa Maria Nagusiaren eliza, Buonconsiglioko gaztelua eta Pretorearen jauregia.

Historia

Tridentum hiri zaharrari dagokio; K.a. 222. urtean egin zen erromatarra. XI. mendean hiri aske eta inperiala bihurtu zen, Trentoko printze-apezpikuek gobernatzen zutela. Bavariaren mende zegoen 1805ean eta 1809-1814 urteetan Alto-Adigeko hiriburua izan zen. 1918. urtean Italiako hiri bihurtu zen.

Trentoko kontzilioa

Eliza Katolikoaren XIX. kontzilio ekumenikoa, Kontrarreformaren doktrinaren adierazpen nagusia izan zena. Paulo III.a aita santuak deitu zuen Karlos V.aren eskariz, erreforma protestantearen aurrerapenei aurka egitearren. Kontzilioa hiru alditan bildu zen: 1545-1549, 1551-1552 (Julio III.ak deitua), 1562-1563 (Pio V.arekin). Dotrina katolikoaren oinarrizko puntu guztiak aztertu eta zehaztu zituen: Biblia, sakramentuak, hezkuntza, meza santua, apaizgoa, erlikiak, eliz jaiak, etab. Kontzilioaren ondorioz, halaber, erakunde eklesiastiko gehienak berriztatu ziren.

Hiri eta herri senidetuak

• Berlin (DEU) - 1966
• Kempten (DEU) - 1987
• Donostia (EH) - 1987
• Praga (CZE) - 2002

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.