Trim

Wikipedia(e)tik
Hona jo: nabigazioa, Bilatu

Trim
Baile Átha Troim

Trim
Trim gaztelua.
Estatua Irlandako ErrepublikaIrlandako Errepublika
Banaketa administratiboa Meatheko konderria
Herrialdea
Lurralde Historikoa
Konderria
Flag of Ireland.svg Irlandako Errepublika
Flag of Leinster.svg Leinster
Flag of the counties of Donegal, Leitrim and Meath.svg Meatheko konderria
Herritarra Trimdar
Koordenatuak

53°33′08″N 6°47′36″W / 53.55222°N 6.79333°W / 53.55222; -6.79333Koordenatuak: 53°33′08″N 6°47′36″W / 53.55222°N 6.79333°W / 53.55222; -6.79333

Trim non dagoen adierazten duen Irlandako Errepublika-ko/-go/-eko mapa
Trim
Garaiera 61 m
Posta kodea MH
Biztanleria 8,268 bizt. (2011)
www.meath.ie

Trim (irlanderaz Baile Átha Troim) Irlandako Errepublikako Meatheko konderrian kokatzen den hiria da. Nahiz eta Trim konderriko hiriburu historikoa izan, hiririk handiena Navan da. 2011ko erroldaren arabera Trim udalerriak 8.268 biztanle ditu. Boyne ibaiak zeharkatzen du.

Hiru aldiz irabazi du Irlandako Herri Garbienaren Saria, 1972, 1974 eta 1984ean.

Etimologia[aldatu | aldatu iturburu kodea]

Irlanderazko Baile Átha Troim izenak "intsusen pasabideko herria" esan nahi du.

Historia[aldatu | aldatu iturburu kodea]

Cenél Lóegairi familiaren lurretan monasterio bat fundatu zen V edo VI mendearen inguruan. Diotenez San Patrizio bera izan zen fundatzailea eta monasterioaren buru San Lommán utzi zuen. XII mendeko anglo-normandiarren inbasioan sarritan erasotua izan zen eta azkenik erre ere egin zuten. Berreraiki zutenean St. Mary's Abbey izenarekin birfundatu zuten, oraingoan agustindarren ordenaren barnean sartuz. Trimeko amabirjinaren egurrezko estatua bertan izanik erromesaldiak sortu ziren 1397tik aurrera. Erreformaren ondoren berriz estatua erre egin zuten eta Henrike VIII.a Ingalaterrakoak monasterioa disolbitu egin zuen.

Toki estrategikoan kokaturik zegoela ikusita, normandiarrentzako herri garrantzitsuenetakoa bihurtu zen, honen adierazle XV mendean Normandiar-Irlandar parlamentua bertan bildu izana eta Normandiarrek Irlandan eraikitako gaztelurik handiena bertan egon izana. Garai hartan Irlanda osoko hiriburu izaten ere saiatu zen. 1649an Droghedako sarraskiaren ondoren irlandar tropek gaztelua hartu zuten baina Oliver Cromwellek herri osoa okupatzea lortu zuen ondoren.

XIX mendekoak dira gaur egun dauden eraikin aipagarri gehienak. Trim merkatal herri bihurtu zen, are gehiago Irlandako Gosete Handiaren ondoren. Industrializaioa ere iritsi zen, maila apalean bada ere, batez ere larrugintzan oinarritu zena.

Irlandar Independentzia Gerran irlandarrek soldaduen barrakoiak eskuratu zituzten baina britainiarrek hiriaren zati handi bat errez erantzun zuten 1920ko irailaren 26an. The New York Times berak ere eman zuen ekintza honen berri.

Ondasun nabarmenak[aldatu | aldatu iturburu kodea]

  • Trim gaztelua
  • San Patrizio katedrala: XVI mendean eraikia, Irlandako katedral anglikano zaharrena da.
  • Newtown Abbey monasterioa
  • Boyne ertzeko ibilbidea, Trim eta Newtown Abbey lotzen dituena.
  • Trimeko harresiaren aztarnak

Jaialdiak[aldatu | aldatu iturburu kodea]

Trimen hainbat jaialdi izaten dira urtean zehar:

  • Trimeko auto zaharren erakusketa: 1985etik aurrera uztailero ralliak egiten dira. Azken ekitaldian 500 auto eta mototik gora izan ziren.
  • Lastoegileen feria: Ekaina erdialdera izaten den feria da.
  • Trimeko Swiften jaialdia: Jonathan Swift bertan bizi izan zenez jaialdi satirikoa antolatzen da urtero.
  • Royal Meath Show: Iraliero egiten den ganadu feria izaten da.

Hiri senidetuak[aldatu | aldatu iturburu kodea]

Iruditegia[aldatu | aldatu iturburu kodea]

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Trim Aldatu lotura Wikidatan