Tripsina

Wikipedia(e)tik
Hona jo: nabigazioa, Bilatu
Tripsinaren egitura tridimentsionala

Tripsina polipeptidoak degradatzen dituen entzima bat da, heste mehean eta pH alkalinoan jarduten duena. Pankreako urinaren entzimarik garrantzitsuena da.

Proteinak hidrolizatzen dituenez, tripsina ere oso erabilia da bioteknologiako hainbat prozesutan.

Tripsinogeno izeneko pro-entzima batetik abiatuta sortzen da tripsina. Heste meheko duodenoan tripsinogenoa tripsina bihurtzen du enterokinasa entzimak:

Tripsinogeno → Tripsina


Tripsina pankreak edo areak sintetizatzen du, eta hortik heste mehera pasatzen da; pH alkalinoan (pH=8) funtzionatzen du hobekien. Proteinen hidrolisian jarduten du, urdailean pepsina entzimak hidrolizatu dituen proteinen produktuak -polipeptidoak- degradatuz, osagai txikiagoak agertuz (peptido sinpleak edo aminoazidoak).

Pankreak guruin endokrino moduan lan egin dezake, intsulina eta glukagoi hormonak jariatuz. Baina horretaz gain pankreako urina ere jariatzen du, tripsina duena eta proteinen liseriketa prozesuan parte hartzen duena.