U Nu

Wikipedia(e)tik
Hona jo: nabigazioa, Bilatu

U Nu birmaniar politikaria izan zen (Wakema, 1907 - 1995). Birmaniaren burujabetasunaren alde borrokatzeagatik atxilotu egin zuten ingelesek (1941). Japoniarrak Birmanian sartu zirenean (1942) askatu zuten. Kanpo Arazoetako ministroa (1943-1945) eta Propagandako ministroa (1944-1945) izan zen. Bigarren Mundu Gerra bukatu zenean, Faxismoaren Aurkako Liga sortu zuen Aung San jeneralarekin, eta Birmaniaren burujabetasun osoa eskatu zuten. Aung San jeneralak 1947ko urtarrilaren 7an Londresen sinatu zuen burujabetasun-ituna 1948ko urtarrilean jarri zen indarrean, baina, bitartean, Aung San hil zuten eta U Nu bilakatu zen Batzar Legegile eratu berriko lehendakari. Gobernuko buru izan zen 1948-1958 bitartean, Ne Winek estatu kolpea jo arte. Gero ere beste bi bider izan zen gobernuko buru, 1960an eta 1988an, eta beste hainbat bider egon zen atzerrian eta kartzelan. Parlamentuzko aginpidearen eta sozialismo bigunaren aldekoa izan zen.


Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: U Nu Aldatu lotura Wikidatan