Universal Pictures
| Universal Studios Inc. | |
|---|---|
| Sektorea | Zinema |
| Sorrera | 1912ko apirilaren 30a |
| Sortzailea | Carl Laemmle Pat Powers Mark Dintenfass William Swanson David Horsley Charles Baumann Adam Kessel Jules Brulatour |
| Egoitza |  Universa Cityl, Kalifornia |
| Presidentea | Ronald Meyer |
| Merkatuak | Nazioartekoa |
| Langileak | 80 (2012) |
| Eskumendekoak | Universal Animation Studios Focus Features Illumination Entertainment |
| Akziodunak | NBCUniversal |
| Webgunea | www.universalstudios.com |
Universal Studios, Inc. AEBtako filma ekoitetxe bat da. Comcast konpainiaren jabetzakoa da, azken hau era berean NBCUniversal konpainiaren azpisaila bat delarik. Herrialde honetako sei zinema estudio handienetako bat da. Bere ekoizpen estudioak Kaliforniako Universal City udalerrian daude, banaketa eta bulegoak aldiz New York hirian ditu.
1912an Carl Laemmle, Pat Powers, Mark Dintenfass, William Swanson, David Horsley, Charles Baumann, Adam Kessel eta Jules Brulatourek sortu zuten, AEBko zinema estudio zaharrena delarik.
Carl Laemmlek bere estudioetako aktore, elektrikari, dekoratzaile eta orokorrean langileak antzeztu, lan nahiz bizitzeko Kalifornian udalerri bat sortu zuen: Universal City. Honela, Laemmie jakin gabe etorkizunean Hollywood izango zenaren diseinatzaileetako bat bilakatu zen. Lasterrera, herrialdearen ekialdetik Thomas Edisonen Motion Picture Trust estudioaren kontrolpetik ihesi zetozen zinema ekoizle ugari bertaratu zirelarik, hauek gerora Hollywoodeko ekoiztetxe erraldoiak direnak sortu zituzten:
- 4 Warner anaiak (Albert, Harold, Jack eta Sam) - Warner Brothers Studios estudioen sortzaileak, 1923an Warner Bros. ekoiztetxea ere sortu zuten.
- Cohn anaiak (Harry eta Jack) - gaur egun Columbia Pictures ekoiztetxea den konpainiaren sortzaileak.
- Adolph Zukor - Paramount Pictures ekoiztetxearen sortzailea.
- Samuel Goldfish eta Selwyn anaiak (Edgar eta Archibald - 1916an gaur egun Metro-Goldwyn-Mayer ekoiztetxea den konpainiaren sortzailea.
- William Fox - gaur egun 20th Century Fox ekoiztetxea den konpainiaren sortzailea.
- Walt eta Roy Disney - gaur egun The Walt Disney Company ekoiztetxea den konpainiaren sortzaileak.
Horretaz gain, 3 parke tematiko ere baditu: Universal Studios Hollywood, Universal Orlando Resort eta Universal Studios Japonia.