Uralak

Artikulu hau mendiei buruzkoa da; ibaia gaitzat duena beste hau da: Ural

Ural mendiak

Ural mendiak (errusieraz, Ура́льские го́ры) Errusiako mendebaldean dagoen mendilerroa da. Ohituraz, Europa eta Asia arteko muga izan dira.

Izena bertoko "ural" tributik datorkie.

Geografia

Ural mendiek 2.500 km luzera dute, Kazakhstango iparraldeko estepetatik Ozeano Artikoaren kostalderaino. Izan ere, geologikoki, Vaigatx uhartea eta gertuko Zembla Berria mendilerroaren jarraipena baino ez dira.

Mendilerroaren mendirik altuena 1.895 metroko Narodnaia mendia da. Geografoek bost zatitan banandu ohi dituzte Uralak: hegoaldea, erdialdea, iparraldea, azpiartikoa eta artikoa.

Mendiak

Koltxedan herrixka Uraletan 1912an.

Mendilerroaren mendirik altuenak hauek dira:

• Narodnaia mendia (1.895 m) – Hegoaldeko Uralak.
• Neroika (1.646 m).
• Jamantau (1.640 m) – Hegoaldeko Uralak.
• Telpos-Is (1.617 m).
• Iremel (1.582 m) - Hegoaldeko Uralak
• Konschakowski Kamen (1.569 m).
• Pajer (1.499 m).
• Deneschkin Kamen (1.492 m).
• Otschenyrd (1.363 m).
• Iserim (1.331 m).

Ekonomia

Ural mendietan, urrea, platinoa, ikatza, burdina, nikela, zilarra eta beste meak aurkitu daitezke.