Uribarri Ganboako urtegia

Uribarri Ganboa
Uribarri-Ganboako urtegia. Uribarri Ganboako urtegia Uribarri Ganboako urtegia, 42°55′45.51″N 2°34′09.13″W
Kokalekua	Araba
Ertzaren luzera	45 km
Uharteak	Zuhatza eta Orenin

Uribarri Ganboako urtegia edo Zadorrako urtegia Arabako biztanleentzat ez ezik Bizkaikoentzat ere ur horniduraren bide oso garrantzitsua. Izan ere, EAEko handienetakoa dugu: 220 hektometro kubikoko edukiera dauka. Zadorra ibaiak hornitzen du nagusiki. 1947an hasi ziren eraikitzen, eta 1958an goraino bete zen lehen aldiz.

Halaber, aisialdi gune zabala ere bada.

Ezaugarriak

Presaren ikuspegia.

Urtegiaren perimetro osoak 45 kilometro ditu. 1.800 ha bete ditzake, 148.000.000 m3 ur edukitzerakoan.

Presa 530 m luze eta 32 m garai da (ibaiaren ibilguarekiko). Zazpi uhateko gainezkabidea du.

Mendixur

Mendixur parke ornitologikoa da, hegaztiak begiratu eta aztertzeko tokia alegia. Urtegiaren hego-ekialdearen muturrean dago kokatuta, Garaioko parkearen ondoan.

Mendixur (Barrundia) herritik gertu dago.

Garaio

Garaio urtegiaren hego-ekialdeko ertzean dagoen parkea da, Zadorra ibaiaren bokalean kokatutakoa eta penintsula sortzen duena.

Matura (Barrundia) da herririk gertuena.

Landa

Landa urtegiaren ipar-mendebaldeko ertzean dagoen parkea da, izen bereko herritik hurbil.

Irlak

Mendebaldean, Zuazako irla dago kokatuta, urtegiko handiena dena. Ekialdean, ordea, Oreningoa dugu.

Inguruko herriak

Arratzu-Ubarrundiako udalerrikoak diren Landa (iparraldeko ertzean) Uribarri Ganboa (mendebaldean) eta Langara Ganboa (hegoaldean) herriek inguratzen dute urtegia.

Bestela, Barrundiako Mendixur eta Matura hego-ekialdean ditugu.

Ikus, gainera

• Euskal Herriko urtegiak

Kanpo loturak

• (Euskaraz)(Gaztelaniaz)(Ingelesez)Ulibarri-Ganboako urtegiaz informazio zabala