Urteberri eguneko kontzertua

Wikipedia(e)tik
Urte berri eguneko kontzertua» orritik birbideratua)
Hona jo: nabigazioa, Bilatu

Vienako Orkestra Filarmonikoaren Urteberri eguneko kontzertua, Urteberri egunean, Vienan izaten den kontzertu bat da. Mundu osoan zehar transmititua izaten da, 1.000.000.000 pertsona inguruko ikuslego batentzako 54 herrialdetan.

Orkestrak jotzen duen musika, Strauss familiarena da batipat Johann Strauss I.a, Johann Strauss II.a, Josef Strauss eta Eduard Straussena Musikverein kontzertu-aretoa apaintzen duten loreak, Italiako Liguria eskualdeko San Remo hiriak eginiko urteroko oparia dira.

Kontzertua beti amaitzen da ohiko programatik kanpoko hainbat musika lan joz. Musikariek, orduan, urte berri ona opa diete ikus-entzuleei, eta Danubio Urdina —Johann Strauss II.ak sortua— eta Radetzki Martxa —Johann Strauss I.ak sortua— jotzen dituzte, kontzertua bukatzeko. Azken lan hontan, publikoak, konpasaren martxa txalo bidez jarraitzen du, eta zuzendaria eurengana itzultzen da, zuzentzeko, orkestra zuzendu ordez. Azken urteetan, behin baino ez da hautsi ohitura: 2005ean. Urte hontan, eta 2004ko Indiako ozeanoko itsasikararen biktimenganako begiruneagatik, kontzertua Danubio Urdina valsarekin amaitu zen.

Kontzertu hau, lehenengo aldiz, 1939ko urte zahar egunean eman zen, Clemens Krauss zuzendari bezala zegoelarik. 2006an, lehenengo aldiz, Strauss familiakoek sortutakoa ez zen musikalan bat jo zen: Wolfgang Amadeus Mozarten Figaroren Ezkontzak operako obertura. Urte askoan, PBS izan da kontzertua AEBrentzako transmititu duena.

2006an hasita, Afrikako pais batzuek Botswana, Lesotho, Malawi, Mozambike, Namibia, Zambia eta Zimbabwe eta latinAmerikako beste batzuek, Ekuador, Bolivia, Txile, Uruguay eta Mexikok, euren herritarrentzako transmititzen dute.

2007an, lehenengo aldiz, dantzari bikote batek Danubio Urdina valsa nola dantzatzen zuen ikusi ahal izan zen, Orkestraren egoitzaren gela eta pasabideetan, kontzertuetako gela nagusian amaitzeko, orkestra zuzendaria agurtuz Lucia Lacarra euskalduna eta Cyril Pierre bere senarra izan ziren. 1987 arte, zuzendari zehatz bat zuen, hau hil edo erretiratzean, beste batek bere lekua hartzen zuen arte. Baina, ordutik, urtero aldatu egiten da orkestraren zuzendaria. Munduko zuzendaririk onenen artean aukeratzen da.

Kontzertuko zuzendariak[aldatu | aldatu iturburu kodea]

Urteberri eguneko kontzertu gehiago Vienan[aldatu | aldatu iturburu kodea]

Wiener Hofburg Orchester orkestrak, bere ohiko kontzertuak urte zahar eta Urteberri egunean Wiener Hofburgen gela handietan antolatzen ditu

Programan, Johann Straussen opereta eta vals ospetsuenak agertzen dira. Baita Emmerich Kalman eta Franz Léharrenak ere. Azkenik Mozarten operetako ariak ere agertzen dira.

Ikus gainera[aldatu | aldatu iturburu kodea]

Kanpo loturak[aldatu | aldatu iturburu kodea]

  • (Alemanez) [1]
  • (Alemanez) [2]
  • (Alemanez) [3]
  • (Alemanez) [4]