V-2 (misila)

Wikipedia(e)tik
Hona jo: nabigazioa, Bilatu
Washingtoneko National Air and Space Museum dagoen V2 kohete baten erreplika

V-2 kohete (alemanez, Vergeltungswaffe 2, «errepresaliarako arma»), bere izen teknikoa A4 (Aggregat 4), Bigarren Mundu Gerraren hasieran Alemanian garatu zen misil balistikoa. Belgika eta Ingalaterrako hego-ekialdean erabili ziren batik bat suziri hauek. Irismen luzeko misila borrokarako lehenengo misil bilakatu zen eta hegaldi azpiorbitala estreinakoz burutu zuen lehenengo artefaktu gizatiarra izan zen. Kohete modernoen aitzindaria izan zen, Estatu Batuen eta Sobiet Batasunaren espazio programetan erabilitakoak barne. Zientzialari eta diseinatzaile alemaniarrek Paperclip Operazioa eta Osoaviakhim Operazioaren bidez kohete hauen inguruan informazioa bildu ahal izan zuten. Wehrmacht alemaniarrak 3.000 V2 kohete inguru jaurti zituen aliatuen aurka gudan, bereziki Londres eta Anberesen aurka, 7.250 biztanle erailiz (zibilak eta militarrak). 1942tik Bigarren Mundu Gerraren amaieraraino naziek arma hau propaganda gisa erabili zuten alemaniar hirien aurkako bonbardaketen erantzun bezala.

Wernher von Braunek diseinatu zituen misil hauek Frantziako kostaldetik Londresera jaurti ziren ahalik eta hondamendi handien eragiteko helburuarekin. V1 gurutzaldi-misilaren ondorengo hau guda amaieran erabiltzen hasi zen, beraz, ez zuen eduki garrantzia handirik guda beran. Gerra Hotzaren testuinguruan eduki zuen bere unerik oparoena amerikarren bandoan. Izan ere, V2 kohetea teknologia armamentistikoaren alorrean lorturiko aurrerapen handienetarikoa bilakatu zen. Hala ere, ezin izan zuen gudaren bilakaera aldatu 1944an aliatuek garaipenera oso hurbildu zirelako.

Commonsen badira fitxategi gehiago, gai hau dutenak: V-2 (misila) Aldatu lotura Wikidatan
Zientzia Artikulu hau zientziari buruzko zirriborroa da. Wikipedia lagun dezakezu edukia osatuz.