Viktor Janukovitx

Wikipedia(e)tik
Hona jo: nabigazioa, Bilatu
Viktor Janukovitx
Віктор Янукович
Viktor Janukovitx

2010ko otsailak 25 – 2014ko otsailak 22
Lehen ministroa   Julia Timoxenko
Oleksandr Turtxinov (jardunean)
Mykola Azarov
Aurrekoa Viktor Justxenko
Ondorengoa Oleksandr Turtxinov (jardunean)
Petro Poroxenko

2002ko azaroak 21 – 2004ko abenduak 7
Presidentea Leonid Kutxma
Aurrekoa Anatoli Kinakh
Ondorengoa Mykola Azarov (jardunean)
2004ko abenduak 28 – 2005eko urtarrilak 5
Presidentea Leonid Kutxma
Aurrekoa Mykola Azarov (jardunean)
Ondorengoa Mykola Azarov (jardunean)
2006ko abuztuak 4 – 2007ko abenduak 18
Presidentea Viktor Justxenko
Aurrekoa Juri Jekhanurov
Ondorengoa Julia Timoxenko

Jaiotza 1950eko uztailaren 9a (64 urte)
Jenakiieve, Donetskeko oblasta, Ukrainako SES, SESB (gaur egun Ukraina)
Alderdi Politikoa Sobietar Batasuneko Alderdi Komunista (1980—1991)
Eskualdeen Alderdia (1997–2014)
Ezkontidea Lyudmilla Oleksandrivna
Lanbidea Ingeniari mekanikoa
Erlijioa Ukrainako Eliza Ortodoxoa
Sinadura Viktor Janukovitx-ren sinadura

Viktor Fedorovitx Janukovitx[1], ukraineraz: Віктор Федорович Янукович, (Jenakiieve, Ukrainako ESS, SESB, gaur egun Ukraina, 1950eko uztailaren 9a) ukrainar politikaria da. 2010ko otsailaren 25etik[2] 2014ko otsaila arte Ukrainako presidentea izan zen.

Bizitza[aldatu | aldatu iturburu kodea]

1997 eta 2002 artean Donetskeko gobernadorea izan zen. 2002ko azaroaren 21etik 2004ko abenduaren 7ra arte, Leonid Kutxmaren presidentetzapean, Ukrainako Lehen Ministroa izan zen. Kutxmaren sostenguarekin, 2004ko presidentetzarako hauteskundeetara aurkeztu zen. Irabazletzat eman zuten, baina Viktor Justxenkoren aldekoek iruzurra izan zela salatu zuten. Hori izan zen Iraultza Laranjaren abiapuntua. Azkenik, Ukrainako Auzitegi Gorenak hauteskundeak baliogabetu zituen. 2004ko abenduaren 26an errepikatu ziren eta Justxenko atera zen irabazle[3]. Janukovitxek Errusiaren aldeko Eskualdeen Alderdiko buru izaten jarraitu zuen eta 2006ko abuztuaren 4tik 2007ko abenduaren 18ra, Justxenko presidente zelarik, Lehen Ministro izan zen. 2010eko martxoaren 3an alderdiko buruzagitza Mykola Azaroven esku utzi zuen.

2010eko hauteskundeen lehen itzulian Janukovitx bozkatuena izan zen. Bigarren itzulian Julia Timoxenkorekin lehiatu eta, alde txikiaz bazen ere, gailendu zen: Janukovitxek botoen %48,95 jaso zituen eta Timoxenkok %45,47[2][4]. Ukrainak eta Europar Batasunak sinatu behar zuten elkartze akordioa bertan behera utzi izanak protesta mugimendu handia eragin ondoren, 2014ko otsailaren 22an Ukrainako parlamentuak kargugabetu zuen[5].

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Viktor Janukovitx Aldatu lotura Wikidatan