Volkswagen Polo

Wikipedia(e)tik
Hona jo: nabigazioa, Bilatu
Volkswagen Polo (6R) 77TSI Comfortline bost atekoa, 2010. urtekoa (Australia).
Ekoizlea Volkswagen
Ezizena Volkswagen Derby
Ekoizpen urteak 1975–egun
Ekoizpen lekuak Iruñea (Euskal Herria)
Shanghai (Txina)
Uitenhage (Hegoafrika)
Pune (India)
Kalugan (Errusia)
Segmentua Supermini
Platform Volkswagen Group A0 platform
Harremanak Volkswagen Fox
Volkswagen Polo Classic
Volkswagen Gol
SEAT Ibiza

Volkswagen Polo B segmentuko turismo bat da, Alemaniako Volkswagen fabrikatzaileak egina. Bost plaza ditu, zeharkako aurreko motorra, eta aurreko trakzioa; bere segmentuan, Fiat Punto, Ford Fiesta eta Renault Clio ditu lehiakide nagusi. Polok bost belaunaldi ditu: 1975, 1981, 1994, 2001 eta 2009. urteetan atera direnak, hain zuzen. Gaur egun, Poloa Iruñean (Euskal Herria), Shanghain (Txina), Uitenhagen (Hegoafrika), Punen (India) eta Kaluganen (Errusia) ekoizten da.

Lehenengo belaunaldia (1975-1981)[aldatu | aldatu iturburu kodea]

Poloaren lehenengo belaunaldia Audi 50-aren bertsio merkeago bat zen. Hiru atetako karrozeria hatchback eta bi atetako sedan karrozeria eskaintzen zen (Volkswagen Derby). Motor guztiak gasolinakoak ziren, eta abiadura-kaxa, eskukoak, lau martxakoa. 1979an Poloaren 500.000 unitate saldu ziren.

Bigarren belaunaldia (1981-1994)[aldatu | aldatu iturburu kodea]

Bi bertsio zeuden: "Polo Coupe" eta "Polo Wagon". Bi atetako sedaneko bertsioak Derby izena utzi zuen 1985ean eta beste izen batzuk hartu zituen, hala nola, "Sedan" edo "Polo Classic". Motor sortak hainbat aukera zeukan, teknologia aurreratuarekin. Bi motor diesel eskaintzen ziren. Abiadura kaxak lau martxak utzi eta bost martxetara aldatu ziren, eta gasolinakoei bihurgailu katalitikoak sartu zizkieten.

Hirugarren belaunaldia (1994-2004)[aldatu | aldatu iturburu kodea]

Hirugarren belaunaldian lau atetako sedan karrozeria eta bost atetako familiarra eskaintzen zen (Polo Variant). Gaur egun, Argentinan komertzializatzen da oraindik. Furgoneta bertsio bat merkaturatu zen ere, Volkswagen Caddy izenarekin. Ezantzako (gasolinako) eta diesel motorrak zeuden.

Laugarren belaunaldia (2001-2009)[aldatu | aldatu iturburu kodea]

Karrozeria familiarra alde batera utzi zen, hau da, hiru atetako eta bost atetako hatchbak eta lau atetako sedan jarraitzen zuen salmentan. Poloa Volkswagengo B segmentuko beste turismo batzuen gainetik jarri zen, hala nola Volkswagen Gol edo Volkswagen Fox, baina Volkswagen Golfen atzetik jarraitzen zuen. Belaunaldi hau Txinan eta Brasilen jarraitzen du bere produkzioa, eta bultzada berri bat eman diote Hegoafrikan, Polo Vivo izenarekin.

Bosgarren belaunaldia[aldatu | aldatu iturburu kodea]

Poloren bosgarren belaunaldia Genevako Automobilaren Erakusketan aurkeztu zen 2009an. Hasieran bost atetako hatchback bat aurkeztu zen, baita hiru atetako karrozeria bat, deportiboagoa. Autoaren segurtasuna hobetu egin da. Zazpi motor desberdin daude Polo berriarentzat, 60 eta 105 CV potentzien artean. Hiru bertsiotan aukera daiteke: "Polo Trendline", "Polo Comfortline" eta "Polo Highline". 2010ean Polo GTI aurkeztu zen, Ginebrako Automobilaren Erakusketan. Aurreko bertsioekin alderatuz, GTI bertsioa handiagoa da, baita arinagoa ere. Poloren generazio hau, AEB-n komertzializatutako lehengo belaunaldia izango da.

Commonsen badira fitxategi gehiago, gai hau dutenak: Volkswagen Polo Aldatu lotura Wikidatan